1 SAMUEL 20:3 - BIBEL JAMITA NA DENGGAN

³ Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Tapi dialusi si Itai ma, “Na huparsangapi, mangasahon Tuhan na mangolu i bope hara ni hosa ni raja i, sanga na tu dia pe raja i kehe, laing dohot do au, haru pe na gabe hamatean na ro baenon ni i.”

2 RAJA-RAJA 2:2

jadi di tonga dalan didok si Elia ma tu si Elisa, “Dison ma ho; disuru Tuhan do anggo au kehe tu Betel!” Tapi dialusi si Elisa ma, “Mangasahon Tuhan na mangolu i dohot mangasahon hosamu Amang, nada giot tadingkononku ho Amang.” Jadi gabe rap ma halahi manoruskon pardalanan tu Betel.

2 RAJA-RAJA 2:4

Dung i didok si Elia ma tu si Elisa, “Dison ma ho; disuru Tuhan do au tu Jeriko.” Tapi dialusi si Elisa ma, “Hara ni Tuhan na mangolu i bope hara ni ho Amang, nada ra au manadingkon ho Amang.” Jadi gabe rap kehe ma halahi na dua tu Jeriko.

2 RAJA-RAJA 2:6

Dung i didok si Elia ma tu si Elisa, “Dison ma ho; disuru Tuhan do au tu Batang aek Jordan.” Tapi dialusi si Elisa ma, “Hara ni Tuhan na mangolu i, bope hara ni ho Amang, nada giot tinggalkononku Amang.” Jadi kehe ma halahi

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

PANGARATAION 28:66

Sai na mangondam ma torus parmaraan di ngolumunu. Arian na borngin sai na digohi hajorbutan ma ho jana sai tongtong ma digohi biar giot mate ngolumunu.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

IBRANI 6:16

Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

1 SAMUEL 1:26

Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 20:2

Dialusi si Jonatan ma, “Ulang dokkon songon i! Nada bunuon ho. Sai dipaboa amanta do tu au sude sangkapnia, bope na porlu bope na so porlu. Jadi nada ra ia manabunihon na songon i tu au. Jadi, nada tutu sude na nidokkonmi!”

1 SAMUEL 20:4

Dung i didok si Jonatan ma, “Sanga aha na nidokmu baenonku, hubaen pe.”

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”