1 SAMUEL 20:24 - BIBEL JAMITA NA DENGGAN

²⁴ Dung i martabuni ma si Daud di halongonan. Di Pesta Bulan Baru i, ro ma Raja Saul tu pesta parmanganan i.

1 SAMUEL 20:24 ပူးပေါင်းရင်းမြစ်များ

PODA 15:17

Dumengganan do mangan simarata dohot halak na nihaholongan, ulang pado mangan juhut na tabo rap dohot halak goyak ni roha.

PODA 17:1

Dumenggan do marsaulihon sipanganon na so sadia, tapi mardongan hasonangan, ulang pado marpesta di bagas na gok partangkangan.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

PODA 4:17

Hajahatan dohot hakejamon tarsongon sipanganon dohot inumon do di halahi.

ZAKARIA 7:6

Laing songon i muse muda mangan sanga minum hamu, nada he na mangan dohot minum tu hamu sandiri do?”

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

1 SAMUEL 20:23

Sai dijagohon Tuhan ma anso nian rap maniop hita tongtong di janjinta on antara hita na dua!”

1 SAMUEL 20:25

Songon somalna juguk di lambung dingding do raja i; dibuat si Jonatan ma inganannia di jolona i, si Abner di lambung ni raja i, tapi anggo inganan ni si Daud i laing kosong do.

1 SAMUEL 20:5

Dialusi si Daud ma, “Ancogot Pesta Bulan Na Imbaru, jana somalna angkon rap mangan do au dohot raja i. Antong muda diloas ho do, kehe ma au anggo songon i martabuni di halongonan lopus tu haduan andospotang.