1 SAMUEL 20:2 - BIBEL JAMITA NA DENGGAN

² Dialusi si Jonatan ma, “Ulang dokkon songon i! Nada bunuon ho. Sai dipaboa amanta do tu au sude sangkapnia, bope na porlu bope na so porlu. Jadi nada ra ia manabunihon na songon i tu au. Jadi, nada tutu sude na nidokkonmi!”

1 SAMUEL 20:2 ပူးပေါင်းရင်းမြစ်များ

PAMUNGKAAN 44:7

Dialusi halahi ma tusia, “Na mandok bia dehe tuan i ulaning? Hami sumpahon ma, na so adong hami baen songon i!

MASMUR 40:6

Haul sipanganon na niparade nada por rohaMu disi haul hasesaan ni dosa nada diigil rohaMu i. Hape madung dilehen Ho simanangingku na tarbaen umbege soraMu.

PODA 29:24

Halak na manjagit parbagian sian panangko, na mangago dirina sandiri do i. Dibege ia pe bura, nada ra ia mangkobarkon. Tapi muda hohom sajo ia, hona ma uhuman ni Debata tusia.

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

LUKAS 20:16

“Tontu ro ma ia, jana matehononnia ma sude angka na mamola i. Jana tu halak na asing noma pabolahononnia kobun i.” Dung dibege angka halak i na songon i, didok halahi ma tu Jesus, “Ah, sai dao ma na songon i!”

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOSUA 22:29

Pos ma rohamunu, nada ra hami anggo mangalo Tuhan sanga mantak hami mangoloi tuSia marhite na pajongjong langgatan na asing baen tu haul situtungon sanga haul gandum sanga sihaulkonon; angke madung adong do antong langgatan ni Tuhan Debatanta di jolo ni Bandar Parmianan Ni Tuhan.”

JOSUA 24:16

Gabe dialusi halak Israel i ma, “Nada tadingkononnami Tuhan laho mangoloi tu angka debata na asing!

1 SAMUEL 14:45

Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 20:12

Dung i didok si Jonatan ma tu si Daud, “Tuhan Debata ni Israel ma na gabe saksinta! Ancogot manyogot sanga haduan laing tarsongon on ma hatihana, huusahahon pe laho mamboto isi ni roha ni amanta. Muda denggan do antong rohana tu ho, hutongos pe barita paboahon tu ho.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 9:15

Sadari painte so i dilehen Tuhan do tona tu si Samuel,