1 SAMUEL 20:13 - BIBEL JAMITA NA DENGGAN

¹³ Muda na giot agoonna do ho, hupaboa pe tu ho anso tarbaen ho antong paluahon dirimu. Sai dibunu Tuhan ma au muda nada hupatulus i. Sai didongani Tuhan ma ho laing songon pandonganina di amanta najolo!

1 SAMUEL 20:13 ပူးပေါင်းရင်းမြစ်များ

2 SAMUEL 19:13

Laing disuru raja i muse dope halahi mulak tu si Amasa songon on, “Nada he donganku ho? Mamungka saonnari rasmi ma ho huangkat gabe panglima ni tentarangku manggontihon si Joab. Sai dimatehon Debata au, muda nada hupatulus i!”

2 SAMUEL 3:35

Sadari i sai disosoi rayat i ma si Daud anso mangan saotik, tapi disumpahon ia do, “Sai dibunu Debata ma au muda mangan au painte so lusut mataniari.”

2 SAMUEL 7:15

Tapi nada mantak Au manghaholongi ia songon na dung Huantak manghaholongi si Saul. Madung Hubaen songon i maradopkon si Saul, anso ho gabe raja.

1 RAJA-RAJA 1:37

Sai Tuhan i ma mandongani raja i, sai didongani Ia muse ma si Salomo. Sai dipartuai Tuhan ma pamarentaonnia sumurung sian pamarentaon ni raja i.”

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

1 JUJUR TAON 22:11

Dung i didok si Daud ma mangulahi, “Saonnari amang, sai diurupi Tuhan Debatamu ma ho tongtong. Jana sai tulus ma nian tarpajongjong ho bagas i di Tuhan songon na dung dijanjihonNa i.

1 JUJUR TAON 22:16

na mardomu tu sere, perak, tumbaga dohot bosi. Antong, manigor ma pungka karejo i! Sai diurupi Tuhan ma ho da amang!”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PILIPPI 4:9

Jana sanga aha na dung niguruhon jana nijagitmunu, dohot sanga aha na dung nibege jana niidamunu sian au, karejohon ma i; gabe donganan ni Debata mual ni hasonangan i ma hamu.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

RUT 1:17

Sanga na di dia marujung ngolu ni namboru, laing disi ma giotku mate dohot dikuburkon. Sai diuhumi Tuhan i ma au, lobi dope tehe sian i, muda adong sanga aha pe na manyirang au sian namboru, asing ni hamatean i!”

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.

1 SAMUEL 14:47

Dung gabe raja si Saul di Israel, sai marporang do ia sanga na di dia mangalo sude musu ni Israel, i ma halak Moab, halak Amon, dohot halak Edom, angka raja ni Zoba dohot halak Pilistin. Sanga na di dia ia marporang, sai monang do ia.

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”

1 SAMUEL 18:12

Diida si Saul ma bahaso na nidonganan ni Tuhan do si Daud, hape anggo ia sandiri ditadingkon Tuhan do. Jadi gabe mabiar ma ia maradopkon si Daud.

1 SAMUEL 19:3

Kehe pe au tu padang-padang i jana jongjong pe au di lambung ni amanta di lambung ni partabunianmi. Jadi manghobari pe hami taringot tu ho jana paboaonku ma tu ho pangkataionnami i.”

1 SAMUEL 20:12

Dung i didok si Jonatan ma tu si Daud, “Tuhan Debata ni Israel ma na gabe saksinta! Ancogot manyogot sanga haduan laing tarsongon on ma hatihana, huusahahon pe laho mamboto isi ni roha ni amanta. Muda denggan do antong rohana tu ho, hutongos pe barita paboahon tu ho.

1 SAMUEL 20:14

Jana muda laing mangolu au, togu ma tiop janjinta on di adopan ni Tuhan jana burju ma ho antong tu au; tapi muda dung soada au,

1 SAMUEL 25:22

Sai dibunu Debata ma au muda so hubunu sude halaklahi na adong disi painte so bincar mataniari!”

1 SAMUEL 3:17

Disapai si Eli ma, “Aha dehe na nipaboa ni Tuhan i tu ho? Caritohon ma jolo sude tu au. Anggo adong do sanga na aha na dirahasiahon ho, hona uhum ni Debata do ho.”