1 SAMUEL 2:9 - BIBEL JAMITA NA DENGGAN

⁹ Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

1 SAMUEL 2:9 ပူးပေါင်းရင်းမြစ်များ

JOB 18:18

Sian na torang hona usir ia tu na golap; sian tano ni halak na mangolu hona ayak.

JOB 40:13

Tanom ma halahi sudena di bagasan abuan; rahuti ma halahi di inganan hamatean.

JOB 5:16

Hape saonnari adong ma arop ni roha, di halak na so marnampuna. Jana parjahat manguntam mangkohom, angke Debata do mambaen hohom.

JOB 5:24

Sai na sonang do ho maringan di undung-undungmu, jana muda paresoonmu biri-birimu, horas torkis do sudena, nada hurang di bagi aha.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 105:37

Dung i ditaruhon Ia ma bangso Israel ruar, sere dohot perak dohot dioban; horas torkis do sude jana marhagogoan, di bagasan gomgoman ni Tuhan.

MASMUR 121:3

Nada padiaronNia ho tinggang madabu, sai jonggor do sipanjagomu.

MASMUR 121:5

Jagohonon ni Tuhan do ho, sai di lambungmu do Ia laho mangondihon ho.

MASMUR 121:8

JagohononNia do ho laho ro dohot laho kehe, saonnari ro di salolot ni lolotna.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 31:17

Pio-pio do au tu Ho Tuhan, ulang padiar au niarsahan. Padiar ma halak na jahat dipaila, jana mijur tu inganan ni na mate so mandok hata.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 94:18

Di na marpikir au, na giot madabu noma au, holong ni rohaMu na manongtong i ma na mambaen au jongjong togu.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

PODA 16:9

Bolas do jolma mambaen sangkap, tapi Tuhan do na patuluskon langkana.

PODA 2:8

Dijagohon Tuhan do angka halak na manghaholongi Ia jana dijagohon Ia do halak na tigor pambaenanna.

PODA 3:26

Jagohonon ni Tuhan ma ho. Nada padiaronNia ho runcur tu bagasan tirangkap.

PARJAMITA 5:17

Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

JESAYA 27:3

Au do Tuhan na manjagosa; jana na totop pasiram-siram i; arian sanga borngin sai Hujagoi do i, anso ulang adong na manyego i.

JESAYA 47:5

Tu Babel, “Juguk ma ho hohom jana masuk tu hagolapan, ale boru Kasdim! Nada tandaon be ho marhite goar: ‘Ratu ni angka bangso.’

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

ZEPANYA 1:15

Ari haririmas do ari i, ari hamaolon dohot hasusaan, ari hadadabu dohot hasegoan, ari hagolapan dohot haholomon, ari na rambon jana na manyorop.

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

BILANGAN 6:24

Sai dipasupasu jana dijagohon Tuhan i ma hamu.

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.