1 SAMUEL 2:7 - BIBEL JAMITA NA DENGGAN

⁷ Adong do halak na bile dibaen Ia, adong muse na mora dibaen Ia. Adong do halak na dipatorukNia adong muse na dipatuginjangNia.

1 SAMUEL 2:7 ပူးပေါင်းရင်းမြစ်များ

2 RAJA-RAJA 9:6

Dung i kehe ma halahi na dua masuk tu bagasan bagas, jana diusehon panurirang na poso i ma miak zetun i tu ulu ni si Jehu lalu didok ia ma, “Pandok ni Tuhan Debata ni halak Israel, ‘Huangkat ma ho gabe raja di ginjang ni bangsongKu Israel.

1 JUJUR TAON 29:12

Sian Ho do haroroan ni sasude hamoraan dohot hasonangan; dirajai Ho do sasudena mardongan hagogoonMu dohot kuasoMu; guru di Ho do mambaen sanga ise gabe halak na godang dohot na gogo.

2 JUJUR TAON 32:27

Gabe sun ma kayo ni Raja Hiskia, jana sude halak pasangapkon ia. Dibaen ia ma angka kamar inganan panyimpanan ni artania i, i ma: sere, perak, angka batu intan, parmasak, parince dohot angka barang-barang sigodang arga na asing.

2 JUJUR TAON 32:29

Na lobi bahat i, tamba ni i dipungka ia do bahat kota. Bahat sajo do sinadongan na nilehen ni Debata tusia.

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 40:12

Olo, tatap ma da halak na sombong, patunduk ma! Ropukkon ma halak na jahat di ingananna.

JOB 5:11

Ia ma da Debata na patugincatkon halak na menek, na pamogahon na dangol niandung.

MASMUR 102:10

Muruk jana rimas Ho, ale Tuhan, gabe diangkat Ho au jana disampakkon Ho.

MASMUR 75:7

Tapi Debata sandiri do na manguhumi, diuhumi Ia do na sada jana dipalua Ia na sada nari.

MASMUR 75:8

Songon sada piala di tanganNia do hamuruhan ni Tuhan piala na marisi anggur na koras. Diduruskon Ia ma isi ni piala i sude ma parjahat na di tano on angkon manginumsa lopus abis.

PODA 22:2

Adong do sada pangalaho na dos di na kayo dohot na pogos: Rap na ditompa ni Tuhan do i sudena.

JEREMIA 49:15

Baenon ni Tuhan ma ho gale jana incahan ni halak.

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.