1 SAMUEL 2:6 - BIBEL JAMITA NA DENGGAN

⁶ Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.

1 SAMUEL 2:6 ပူးပေါင်းရင်းမြစ်များ

1 RAJA-RAJA 17:22

Ditangihon Tuhan do tangiang ni si Elia i; mulak ma muse humosa jana torkis ma mangulahi.

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

PARJAMITA 3:3

Adong do hatihana mamunu dohot hatihana pamalumkon, manyego-nyego, dohot hatihana paturehon.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JEHESKIEL 37:12

Antong manyurirangi ma ho tu bangsongKu Israel i, Au Tuhan Debata giot mangungkap kuburan ni halahi. Hupangot ma halahi sian kuburan i jana paulahonKu halahi tu tano Israel.

JEHESKIEL 37:3

Disapai Tuhan ma tu au, “Ale anak ni jolma, tarbaen dope angka holi-holi on mangolu mangulahi?” Hualusi ma, “Ale, Tuhan Debata, hum Ho do umbotosa.”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”