1 SAMUEL 2:4 - BIBEL JAMITA NA DENGGAN

⁴ Madung maponggol sior ni parporang tapi halak na gale mur marhagogoan.

1 SAMUEL 2:4 ပူးပေါင်းရင်းမြစ်များ

MASMUR 18:39

Ho do margogoihon au laho marporang, hupatunduk musungku lopus au monang.

MASMUR 37:15

Hape hona tiham ni podangna sandiri do parjahat i sior ni halahi i pe diponggoli.

MASMUR 37:17

Angke ponggolkonon ni Tuhan do kuaso ni parjahat, tapi lehenonNia do pangondian tu halak na tigor.

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 76:3

Disi do disego-sego Ia sude parkokas ni porang, nada adong be pana na marsilo, parince dohot podang.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 40:29

Dipargogoi Ia halak na gale, dilehen Ia kuaso di halak na dae-dae.

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 51:56

Ro do halahi laho manyegohon Babel, manangkupi angka tentarana lalu manipul-nipul angka sinjatana. Au ma da Tuhan na manguhumi hajahatan jana baenonKu ma tu Babel hombar tu pambaenanna.

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

EPESUS 6:14

Tongtong ma hamu hobas! Pake hamu ma hasintongan songon bobatmunu, dohot hatigoran na songon baju bosimunu.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

IBRANI 11:32

Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.