1 SAMUEL 2:35 - BIBEL JAMITA NA DENGGAN

³⁵ Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.

1 SAMUEL 2:35 ပူးပေါင်းရင်းမြစ်များ

2 SAMUEL 7:11

Mamungka sian haroro ni halahi na jolo tu tano on jana Huangkat angka pamimpin di halahi, na dung ro do angka halak na sai mangasahon gogo mamorangi halahi, tapi nada ro be na masa sisongon i. Hujanjihon ma tu ho sian sude musumu, jana lehenonKu do pomparan di ho.

2 SAMUEL 7:27

O Tuhan Na Markuaso! Puluk pe au pasahatkon tangiang on tu adopanmu, hara ni na dung dipatidahon Ho do sude pangalaho i tu au naposoMon, jana dipabotohon Ho tu au na niparmahanMu pomparanku lopus nada adong na mago.

1 RAJA-RAJA 1:45

Madung diojakkon si Zadok dohot si Natan ia di mual ni Batang aek Gihon. Dung songon i masuk ma halahi tu kota, lalu marsurak-surak ribur situtu. Sude do kota i gaor. I ma da hariburon na nibegemunu nangkin.

1 RAJA-RAJA 1:8

Tapi anggo Malim Zadok, si Benaya anak ni si Joyada, Panurirang Natan, si Simei, si Rei bope pangawal ni Raja Daud nada ra manyabola tu si Adonia.

1 RAJA-RAJA 11:38

Muda laing songon naposongKu si Daud i do ho mangoloi tu Au sian sude rohamu jana ngolumu marguru tu angka uhumKu, jana pasonangonmu rohangKu markite-hite na patuluskon sandok na Huparentahon tu ho, sai na donganKu do ho sanga andigan. JaminonKu ma, pomparanmu do na gabe raja ni Israel manggontihon ho, laing songon na Hubaen tu si Daud.

1 RAJA-RAJA 2:35

Dung i diangkat raja i ma si Benaya gabe panglima ni pasukan na marsinjata manggonti si Joab, jana si Zadok pe diangkat ma gabe malim manggonti si Abyatar.

1 JUJUR TAON 29:22

Mangan minum ma halahi di ari i marmoga-moga di adopan ni Tuhan. Jadi laing dipadua noli halahi muse ma pabotohon na dung gabe raja si Salomo. Mangasahon goar ni Tuhan, dirasmihon halahi ma ia gabe raja ni halahi dohot si Zadok gabe malim.

MASMUR 18:50

Dilehen Debata do hamonangan godang tu raja, tongtong dihaholongi Ia na nipiliNia, i ma si Daud dohot pomparanna, ro di salolot-lolotna.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

BILANGAN 25:13

Ia dohot pomparannia ditotopkon ma gabe malim sapanjangna, hara ni na so tartahan ia mida halak na manyomba debata sileban dibalik ni Au. Hara ni i sesaonKu ma dosa ni Israel.”

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

1 SAMUEL 10:9

Disi kehe si Saul manadingkon si Samuel, dijagit si Saul ma roha na imbaru sian Debata. Jana sude pangalaho na nipajojor ni si Samuel tusia, tulus muse ma i laing di na sadari i.

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 2:36

Ganop pomparanmu na mangolu, kehe ma tu malim i jana pangidoonna ma hepeng sanga panganon. Pangidoonna ma, ‘Paloas ma au mangurupi angka malim, anso laing mangan au bope hum sampohul pe.’ ”

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.

1 SAMUEL 3:1

Anggo si Samuel na danak i dope, laing dioloi ia do Tuhan di hatiha i di bagasan panogu-noguon ni si Eli. Jarang sajo do di hatiha i adong tona dohot parnidaan sian Tuhan.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.

1 SAMUEL 9:12

“Olo, adong,” ning angka bujing-bujing i mangalusi, “apala on dope ia mardalan manjoloi hamu. Sugari hipas hamu, betak na tarkojar hamu dope ia. Na baru ro dope ia tu kota dibaen giot manghaulkon haul sadari on halak di ginjang ni tor i. Anggo kehe hamu saonnari, dapot hamu dope ia painte so kehe ia manangkok tu dolok i laho mangan. Nada mangan angka na diontang anggo so jolo ro ia, harana angkon jolo pasupasuonnia do haul i. Kehe ma hamu saonnari, dapot hamu dope ia disi.”