1 SAMUEL 2:34 - BIBEL JAMITA NA DENGGAN

³⁴ Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

1 SAMUEL 2:34 ပူးပေါင်းရင်းမြစ်များ

1 RAJA-RAJA 13:3

Didok panurirang i muse ma, “Magargar ma langgatan on, jana use ma abuan na di ginjangna i. I ma tandana paboa na tutu disuru Tuhan au.”

1 RAJA-RAJA 14:12

Dipaudut si Ahia ma muse mandok tu dadaboru ni si Jerobeam i, “Mulak ma ho saonnari. Disi masuk ho tu kota i, marujung ma ngolu ni si Ahia anakmi.

LUKAS 2:12

Songon on ma tandana: Dapot hamu ma disi Dakdanak na baru sorang dibungkus dohot lampin, dipapodom di bagasan palangka ni pahan-pahanan.”

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.

1 SAMUEL 2:33

Tapi sada sian pomparanmu giot paluaonKu jana oloannia ma Au, songon malim. Tapi gabe mapitung ma ho jana mangolu di bagasan pandelean. Sudena pomparanmu na asing i bunuonKu.

1 SAMUEL 3:12

Di ari i padalanonKu ma sude ancamanKu sian na parjolo lalu tu na parpudi maradopkon horong ni si Eli.

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.

1 SAMUEL 4:17

Dialusi sioban barita i ma, “Maporus do halak Israel sian halak Pilistin; bahat sajo do na mate! Anakmu na dua i pe, amang, si Hofni dohot si Pinehas, marujung do. Jana dirampas musu i do Poti Parjanjian ni Debata!”

1 SAMUEL 4:21

Dibaen ia ma goar ni dakdanak i si Ikabod, angke didok ia, “Ma mago hasangapan ni Debata na marmulia i sian Israel,” – anggo maksudnia i ma paboa na dung dirampas musu do Poti Parjanjian i jana amangborunia dohot halaklahinia pe madung jumolo monding. Jadi hara ni i ma didok ia, “Madung mago hasangapan ni Debata na marmulia i sian Israel, angke madung hona rampas Poti Parjanjian ni Debata.”