1 SAMUEL 2:30 - BIBEL JAMITA NA DENGGAN

³⁰ Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

1 SAMUEL 2:30 ပူးပေါင်းရင်းမြစ်များ

1 RAJA-RAJA 11:11

Didok Tuhan ma, “Hara ni na nisangajomu mangalaosi parjanjianmu na tu Au jana nada dioloi ho angka parentangKu, gabe rampasonKu ma sian ho harajaan i, jana lehenonKu ma tu sada halak pagawemu.

1 RAJA-RAJA 2:27

Dung i diantak si Salomo ma si Abyatar sian hamalimon. Marhite pambaen ni si Salomo i, sanga aha na nidok ni Tuhan di Silo taringot tu Malim Eli dohot pomparanna madung gabe tangkas.

1 JUJUR TAON 17:18

Aha dope he sidohononku tu Ho, ale Tuhan Debata? Tangkas do ditanda Ho sanga na ise au on, hape dilehen Ho do sangap di au naposoMon.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

2 JUJUR TAON 26:18

laho mangalo pambaenanna i. Didok halahi ma, “Di raja i na hami parsangapi! Nada adong hak ni raja i manutung dupa di Tuhan. Tugas ni angka malim pomparan ni si Harun do i, harana halahi do na marhasurungan tusi. Ditadingkon raja i ma inganan na badia on! Ma dialo raja i Tuhan Debata, jana nada ditolopi Ia be raja i.”

MASMUR 18:20

Dibalos Tuhan tu au, angke giotNia do antong nipambaenan, dipasupasu Ia au angke nada hubaen hasalaan.

MASMUR 18:26

Ias do rohaMu tu halak parroha na bulus, tapi dialo Ho do halak pargabus.

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 73:20

Songon nipi na mago di manyogot, ale Tuhan, halahi pe mago ma di na ro Ho.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

HARURUAR 29:9

bobat dohot basaen jana kupiai ma halahi. Songon i ma baen carana mangangkat si Harun dohot angka dakdanaknia i. Angkon oloan ni halahi ma Au lopus tu pinompar ni halahi ro di salolot-lolotna songon malim.

PODA 12:8

Halak na marroha, papuji-pujion, halak na bodo panyaor-nyaoron.

PODA 4:8

Hunti ma habisuhon, gabe pagincaton ni habisuhon i ma ho. Haol ma i, gabe paroonna ma hasangapon di ho.

PODA 8:17

Huhaholongi do na marholong ni roha di au; na manjalahi au, gabe dapot ia do au.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JEREMIA 49:15

Baenon ni Tuhan ma ho gale jana incahan ni halak.

JEHESKIEL 34:10

Au Tuhan Debata mandok tu hamu, musumunu do anggo Au. BuatonKu ma mangulahi angka biri-biringKi sian hamu nada Hupatola be hamu mamikirkon haporluanmunu sandiri. PaluaonKu ma angka biri-biringKi sian hamu, anso ulang be gabe panganonmunu halahi.’ ”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

BILANGAN 11:20

Tapi sabulan honokna mangan juhut hamu, lopus gabe marnyae jana muta-uta hamu patundana. Masa pe songon i hara ni na ditulak hamu do Tuhan na adong ditonga-tongamunu. Dohot hara ni ungut-ungutmunu tuSia, bahaso na dumenggan hian ulang ditinggalkon hamu Mesir.’ ”

BILANGAN 35:34

Ulang ramuni hamu tano na niingananmunu, angke Au do Debata, jana Au maringanan di tonga-tonga ni bangso Israel.”

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

JOHANNES 8:49

Dialusi Jesus ma, “Nada na nisonggopan ni setan Au! Na pasangapkon Damang do Au, hape nada dipasangap hamu Au.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

HAKIM-HAKIM 9:10

Jadi didok angka hayu i ma tu bona ni ara, ‘Ho ma da, rajanami!’