1 SAMUEL 2:3 - BIBEL JAMITA NA DENGGAN

³ Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.

1 SAMUEL 2:3 ပူးပေါင်းရင်းမြစ်များ

1 RAJA-RAJA 8:39

sai tangihon ma di ingananMu na di banua ginjang sesa ma dosa ni halahi jana urupi halahi. Hum Ho do na umboto roha ni jolma. Hara ni i baen ma tu ganop halak na patut disia.

JOB 31:6

Padiar ma di timbangan na somal au ditimbang Debata, gabe botoonNia ma au na so marsala.

MASMUR 147:5

Na godang ma da Tuhanta jana na sumurung habisuhonNia nada tarsuhat.

MASMUR 17:10

Nada adong di halahi ibo ni roha hata-hata ni halahi, hata manggang na so hasaya.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 44:21

pasti diboto Ho do i, angke didodo Ho do sibunian ni roha.

MASMUR 75:5

Jana tu halak parjahat anso ulang be sai manggakgak. Ulang manggodang diri sanga mandok hata ginjang ni roha.”

MASMUR 94:4

Dipardokkoni halahi do hata na kasar, jana dihasombongkon halahi do angka hajahatanna i.

PODA 16:2

Tigor do sude dalan ni halak di rohania sandiri, tapi Tuhan do manimbangi angka roha.

PODA 24:12

Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JESAYA 26:7

Lidang do dalan ni halak partigor, angke Ho do na mangarintis dalan disia.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEHESKIEL 35:13

Ale bangso Edom, siruak pamangan do hamu jana bulbul pangkulingmunu tu Au. Na dung Hubege do sudena i.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 5:27

Tekel; astuanna madung ditimbang raja i jana dapot ma na panayangtu.

MALEAKI 3:13

Sai dipahata-hata hamu do Au ninna Tuhan. Tapi didok hamu do, “Aha ma he na hami hata-hatahon taringot tu Ho?”

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HAKIM-HAKIM 9:38

Didok si Zebul ma tu si Gaal, “Bia do, di dia do saonnari babamu na ruak i. Na salpu i didok ho, mahua ma hita angkon sai tunduk tu si Abimelek i? On ma halakna angka na nilayasanmi. Tole bo, maju bo ho mangaroro halahi!”

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”