1 SAMUEL 2:27 - BIBEL JAMITA NA DENGGAN

²⁷ Sanoli ro ma sahalak panurirang tu si Eli jana dilehen ma tona tusia sian Tuhan, “Dompak na gabe naposo ni raja ni Mesir ompungmu si Harun dohot isi ni bagasna, Hupatidahon do diringKu tusia.

1 SAMUEL 2:27 ပူးပေါင်းရင်းမြစ်များ

1 RAJA-RAJA 13:1

Laing di hatiha i disuru Tuhan ma sahalak panurirang sian Juda tu Betel. Lalu ma panurirang i disi jana hatiha jongjong si Jerobeam di jolo ni langgatan parhaulan ni haul i.

1 RAJA-RAJA 2:27

Dung i diantak si Salomo ma si Abyatar sian hamalimon. Marhite pambaen ni si Salomo i, sanga aha na nidok ni Tuhan di Silo taringot tu Malim Eli dohot pomparanna madung gabe tangkas.

HARURUAR 12:1

Dipangkulingi Tuhan ma si Musa dohot si Harun di tano Mesir, ninna ma,

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

HARURUAR 4:27

Di hatiha i didok Debata ma tu si Harun, “Kehe ma ho tu halongonan anso marsuo ho dohot si Musa.” Dung i kehe ma si Harun mandapotkon angginia i di dolok na badia. Di na marsuo i halahi diumma si Harun ma si Musa.

PANGARATAION 33:1

Painte so marujung ngolu ni si Musa, utusan ni Debata i, dipasupasu ia ma marga-marga ni bangso Israel, dohot hata on:

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

HAKIM-HAKIM 13:6

Dung i kehe ma dadaboru ni si Manoah i mandapotkon halaklahina jana didok ia ma, “Adong suruan ni Debata ro tu au, songon Surusuruan Ni Debata do tompana jadi gabe mabiar au. Nada husapai sanga na sian dia ia ro, jana ia pe nada dipaboa goarna tu au.”

HAKIM-HAKIM 6:8

Diutus Tuhan ma sada halak panurirang tu halahi. Didok panurirang i ma, “Songon on ma pandok ni Tuhan, Debata ni Israel: ‘Madung Hupalua hamu sian parhatobanan di Mesir.

1 SAMUEL 3:12

Di ari i padalanonKu ma sude ancamanKu sian na parjolo lalu tu na parpudi maradopkon horong ni si Eli.

1 SAMUEL 9:4

Jadi didalani si Saul ma dohot pangoloi i partoran Efraim dohot tano Salisa, tapi nada padumpang dohot halode i. Dung i dipatorus halahi ma mardalan tu tano Sahalim, tapi nada adong muse disi halode i. Dijalahi halahi muse do di luat ni Benyamin, tapi nada padumpang.

1 SAMUEL 9:6

Dialusi hatoban i ma, “Painte jolo! Adong do di kota on sada halak naposo ni Debata. Na sangap situtu do ia dibaen halak hara ni sude hatania na tutu situtu tarjadi. Beta ma hita tusi, betak na paboaonnia do tu hita sanga na di dia halode i.”