1 SAMUEL 2:22 - BIBEL JAMITA NA DENGGAN

²² Madung matobang situtu si Eli. Sai torus do marpupu dibege ia barita taringot tu pangalaho ni dakdanaknia i maradopkon halak Israel. Diboto si Eli muse do na modom angka anaknia i dohot angka dadaboru na markobas di jolo ni pintu ni Bandar Parmianan Ni Tuhan i.

1 SAMUEL 2:22 ပူးပေါင်းရင်းမြစ်များ

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 37:2

Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

HARURUAR 38:8

Dibaen si Besaleel ma bak, sian tumbaga jana ojahanna pe laing tumbaga muse. Sian angka sormin ni angka dadaboru do dibuat tumbaga i, i ma angka dadaboru na markobas na di Pintu ni Bandar Parmianan Ni Tuhan.

JEHESKIEL 22:26

Dilaosi angka malim ni Israel do tona na sian Au, jana ramun dibaen halahi angka barang-barang na dung dibaen hapunjunganKu. Nada adong dibaen halahi parkotian ni na dung dihapunjungkon tu Au dohot na asing sian i. Boti muse nada diajari halahi rayat i laho paasingkon sanga dia na ias dohot na so ias mangihutkon aturan ni ugamo. Nada dipardulihon halahi Ari Sabat. Jadi songon i ma gabe marlayas Au dibaen bangso Israel.

1 SAMUEL 2:23

Jadi hara ni i didok ia ma tu dakdanaknia i, “Madung hujagit barita sian sude bangso i taringot tu pangalahomunu na jahat. Biasi ma he dibaen hamu songon i?

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

1 SAMUEL 8:1

Dung matobang si Samuel, diangkat ia ma angka dakdanaknia gabe hakim di Israel.