1 SAMUEL 2:18 - BIBEL JAMITA NA DENGGAN

¹⁸ Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 2:18 ပူးပေါင်းရင်းမြစ်များ

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

1 JUJUR TAON 15:27

Dipake si Daud ma disi baju juba na sian abit linen, songon i dohot angka parmusik bope si Kenanya pamimpin ni halahi i rap dohot halak Levi na maroban Poti Parjanjian i. Laing dipake si Daud muse do baju Efod.

HARURUAR 28:4

Dok ma anso dibaen angka tukang i panutup ni andora, sada baju efod, sada mantel, sada baju na nisulam, sada saroben dohot bobat. Angkon baenon ni halahi do pakean malim on di si Harun angkangmi dohot di angka dakdanaknia, anso taroloi halahi Au songon pangoloi ni malim.

HAMALIMON 8:7

Dung i dipapakehon ia ma tu si Harun kameja dohot juba dohot bobat. Dung i dipapakehon ia muse efod jana dirahutkon ia bobat ni baju efod na nitonun halus tu gonting ni si Harun.

1 SAMUEL 14:3

Malim na maroban efod si Ahiya do, anak ni si Ahitub; i ma anggi ni si Ikabod. Si Ikabod anak ni si Pinehas, jana si Pinehas anak ni si Eli, malim ni Tuhan na di Silo.) Rayat i pe nada adong na umboto na kehe si Jonatan sian i.

1 SAMUEL 2:11

Dung i mulak ma si Elkana tu Rama, tapi anggo si Samuel anaknia i, tinggal ma di Silo jana disi ma ia mangoloi Tuhan di bagasan pangajarion ni si Eli.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.

1 SAMUEL 3:1

Anggo si Samuel na danak i dope, laing dioloi ia do Tuhan di hatiha i di bagasan panogu-noguon ni si Eli. Jarang sajo do di hatiha i adong tona dohot parnidaan sian Tuhan.