1 SAMUEL 2:16 - BIBEL JAMITA NA DENGGAN

¹⁶ Muda dialusi halak i, “Dumenggan ma da tapadalan paraturan, jana tatutung jolo tabo-tabo i; dung i buat ma sanga na dia por ni rohamu,” jadi gabe dokkonon ni pangurupi ni malim i do, “Nada, angkon saonnari do lehenonmu, muda nada, maradu gogo pe buatonku do.”

1 SAMUEL 2:16 ပူးပေါင်းရင်းမြစ်များ

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

HAMALIMON 3:16

Tutungon ni malim i ma sudena i di ginjang ni langgatan, gabe haul sipanganon na pajop roha ni Tuhan. Sude tabo-tabona i di Tuhan do i.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

HAKIM-HAKIM 18:25

Didok angka halak Dan i ma, “Gumonan ma sip ho. Anggo inda, gabe muruk ma naron angka jolma on hantamon jana bunuonna ma ho dohot sude isi ni bagasmu.”

1 SAMUEL 2:15

Huhul, dompak so dipaasing dope tabo-tabo situtungon i, ma pola ro pangurupi ni malim i mandok tu halak na manghaulkon haul i, “Lehen ma antong juhut na mata i di malim i anso adong panggangonnia; nada ra ia manjagit juhut na dibolgang.”

1 SAMUEL 2:17

Songon i ma anak ni si Eli na dua i mardosa godang di adopan ni Tuhan, hara ni na so adong be sangap ni halahi tu haul na nihaulkon tu Tuhan.