1 SAMUEL 2:1 - BIBEL JAMITA NA DENGGAN

¹ Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.

1 SAMUEL 2:1 ပူးပေါင်းရင်းမြစ်များ

2 JUJUR TAON 20:27

Dung i dipimpin si Josafat ma sude pasukan i mulak tu Jerusalem mardongan jop ni roha hara ni na talu musu i dibaen Tuhan.

JOB 16:15

Mamake abit goni ma au tanda ni hamarsahan, jana juguk di abuan hara ni hataluan.

MASMUR 118:14

Tuhan do hagogoanku dohot na hupapuji-puji, madung dipalua Ia do au.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 148:14

Madung dipargogoi Ia bangsoNia, halak Israel, hasianNia. Sude ma bangsoNia mamuji-muji Ia. Puji ma Tuhan!

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 20:5

Jadi marsurak ma hami marjop ni roha, lalu mamestahon hamonanganmu, bope mamuji goar ni Debata. Tuhan ma na patuluskon sude pangidoanmi.

MASMUR 21:2

Sude na nihalungunkon ni rohana tuk dibaen Ho, sanga aha na nipangidonia, dilehen Ho do.

MASMUR 35:9

Jadi marsurak-surak ma au hara ni Tuhan, jop ma rohangku dibaen dipalua Ia au.

MASMUR 51:15

Urupi ma au mandok hata, ale Tuhan, jadi gabe pujionku ma Ho.

MASMUR 71:8

Sai Ho do tongtong hupuji hupaboa-boa do hagodanganMu ganop ari.

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

MASMUR 89:17

Dilehen Ho do hamonangan na tarlobi di hami, hara ni hadenggananMu ma umbaen na monang hami.

MASMUR 89:18

Angke madung dipili Ho ale Tuhan pangondiannami, ale na badia ni Israel, madung diangkat Ho rajanami.

MASMUR 89:24

Bonar do Au tongtong jana hot manghaholongi ia, jana Hulehen hamonangan tusia.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

HARURUAR 15:1

Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HABAKUK 3:1

Tangiang ni Panurirang Habakuk. Mangihutkon logu ni andung-andung.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

1 SAMUEL 1:6

Sai na dipahancit ni si Penina do roha ni si Hanna jana diincahi ia imbangnia i hara ni na so dilehen Tuhan anak disia.

1 SAMUEL 1:7

Sai songon i ma na masa sian taon tu taon; sai marpupu ma i ganop kehe halahi tu Bagas Ni Debata, dipahancit si Penina ma roha ni si Hanna. Jotjot do tangis si Hanna jana nada ra ia mangan hara ni na dipalayas.