1 SAMUEL 19:9 - BIBEL JAMITA NA DENGGAN

⁹ Di sada ari juguk-juguk ma si Saul di bagasna maniop-niop tombak di tanganna jana si Daud hatiha marhasapi. Ompot ma susur tondi na jahat na nisuru ni Tuhan i tu si Saul.

1 SAMUEL 19:9 ပူးပေါင်းရင်းမြစ်များ

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

1 SAMUEL 16:14

Dung i ditadingkon Tondi Ni Tuhan ma si Saul, jana diparkanciti tondi na jahat na nisuru ni Tuhan ma ia.

1 SAMUEL 16:15

Jadi gabe didok angka hatobannia ma tusia, “Hami boto do, tondi na jahat do na nisuru ni Tuhan mamparkanciti raja i.

1 SAMUEL 16:16

Muda tumbuk do di roha ni raja i, rade do hami manjalahi sada halak na malo marhasapi. Muda hatiha ro tondi na jahat i mamparkanciti raja i, malo ma halakna i mamiltik hasapina i, dung i gabe togar ma hilalaon ni raja i mangulahi.”

1 SAMUEL 19:8

Dung i masa muse ma porang mangulahi dohot halak Pilistin. Diroro si Daud ma halahi jana talu sude, jana marlojongi.

1 SAMUEL 22:6

Sanoli hatiha juguk si Saul di toru ni hayu tamariska di ginjang ni tor na di Gibea, ditiop ia do tombaknia jana marjongjongan do angka parangannia i humaliang ia. Dung dibege ia na dung binoto sanga di dia si Daud dohot angka paranganna i,