1 SAMUEL 19:7 - BIBEL JAMITA NA DENGGAN

⁷ Dung salpu i dipiohon si Jonatan ma si Daud, lalu dicaritohon ia ma sude pangkataion i. Dung i dioban ia ma si Daud tu si Saul, jana dioloi si Daud ma raja i songon na salpu i.

1 SAMUEL 19:7 ပူးပေါင်းရင်းမြစ်များ

PAMUNGKAAN 31:2

Boti diida si Jakob nada songon na parjolo i be rama ni si Laban tusia.

1 JUJUR TAON 11:2

Sian najolo, salang dompak si Saul dope raja mamarenta hami, laing na raja i do manguluhon rayat ni Israel marporang. Boti pe na dung marjanji do Tuhan tu raja i paboa na raja i noma na mamimpin halak ni Tuhan dohot na gabe raja ni halahi.”

HARURUAR 4:10

Ninna si Musa ma, “Iale Tuhan, nada malo au manghobari, bope saonnari, sian dung mangkatai Tuhan dohot au, dokdok do dilangku, lambat do au mangkatai nada gartip.”

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

1 SAMUEL 16:21

Songon i ma parro ni si Daud mandapotkon si Saul jana gabe pangoloina. Holong sajo do roha ni si Saul disia jana dibaen ma ia gabe sioban sinjata.

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

1 SAMUEL 18:13

Jadi gabe dipadao ia ma si Daud sian humaliang bagas godang i jana dibaen ma ia gabe pamimpin ni saribu halak tentara. Jadi songon i ma si Daud sai mamimpin parangannia di sandok parporangan.

1 SAMUEL 18:2

Jana mamungka sian ari i nada dipatola be ia mulak tu bagas ni simatobangnia.

1 SAMUEL 19:6

Gabe torang ma roha ni si Saul hara ni hata ni si Jonatan i, jana marsumpa ma ia mangasahon goar ni Tuhan bahaso na so bunuonnia be si Daud.

1 SAMUEL 19:8

Dung i masa muse ma porang mangulahi dohot halak Pilistin. Diroro si Daud ma halahi jana talu sude, jana marlojongi.