1 SAMUEL 19:24 - BIBEL JAMITA NA DENGGAN

²⁴ Dung lalu disi, ditanggali ia pakeannia jana manortor ma ia dohot marsurak-surak di jolo ni si Samuel, lopus tinggang tu tano marsaemara sadari i lopus bornginna i. (On ma mula ni pandohan, “Na gabe panurirang dehe dohot si Saul?”)

1 SAMUEL 19:24 ပူးပေါင်းရင်းမြစ်များ

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

JESAYA 20:2

Tolu taon taran so i, disuru Tuhan do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.

BAENON NI ANGKA RASUL 9:21

Homang ma sude halak pabege-bege si Saulus. Didok halahi ma, “Nada he on do ibana na di Jerusalem i, na mamunu sude halak na mamio goar ni Jesus? Na niharohonnia pe tuson na giot manangkup halahi do anso obanonnia tu angka sintua ni malim!”

1 SAMUEL 10:6

Di hatiha i muse ma ho rajaan ni Tondi Ni Tuhan jana ihutkononmu ma tortor dohot surak ni halahi i, jana dilehen ma di ho roha na imbaru lopus gabe asing.

1 SAMUEL 15:35

Lopus tu ujung ni ngolunia nada jungada be diida si Samuel raja i. Tapi marsak do si Samuel hara ni na manyosal i Tuhan mambaen si Saul gabe raja.

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.