1 SAMUEL 19:23 - BIBEL JAMITA NA DENGGAN

²³ Jadi dipatorus ia ma tusi, tapi ia pe digohi Tondi Ni Debata muse ma, gabe manortori dohot marsurak-surak sapanjang na mardalan i tu Nayot.

1 SAMUEL 19:23 ပူးပေါင်းရင်းမြစ်များ

PODA 16:9

Bolas do jolma mambaen sangkap, tapi Tuhan do na patuluskon langkana.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

BILANGAN 23:5

Dung i dipaboa Tuhan i ma tu si Bileam sanga aha na angkon dohononnia, lalu disuruSa anso mulak ia tu si Balak pabolkaskon tona ni Tuhan i tusia.

BILANGAN 24:2

diida ia ma halak Israel marbandar marturpuk-turpuk mangihutkon marga ni bangso i.

MATEUS 7:22

Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

JOHANNES 11:51

Satutuna nada sian pikirannia sandiri didok si Kayafas songon i. Tapi songon Malim Godang do ia di na sataon i, madung songon na nibaennia hian boa-boana na angkon mate Jesus humopkop halak Jahudi.

1 KORINTUS 13:2

Sugari malo au manyurirangi, jana huboto sude na buni dohot sude parbinotoan, jana adong di au haporsayaan jabat tarpaorot au angka dolok, tapi nada adong di au holong ni roha, songon na soada do au.

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

1 SAMUEL 10:12

Jadi disapai halak na maringanan disi ma, “Bia do lakna taringot tu angka panurirang na asing i – pandokmunu ise lakna amang ni halahi?” I ma mula ni pandohan ni umpama on, “Na gabe panurirang muse dehe si Saul?”

1 SAMUEL 10:6

Di hatiha i muse ma ho rajaan ni Tondi Ni Tuhan jana ihutkononmu ma tortor dohot surak ni halahi i, jana dilehen ma di ho roha na imbaru lopus gabe asing.

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

1 SAMUEL 19:18

Dung malua si Daud, kehe ma ia tu bagas ni si Samuel di Rama, lalu dipajojor ia ma sudena na nibaen ni si Saul i tusia. Dung i rap kehe ma si Daud dohot si Samuel tu Nayot jana tinggal disi ma halahi.

1 SAMUEL 19:20

Jadi gabe disuru si Saul ma sanga na piga halak suruannia laho manangkup si Daud. Hape diida halahi ma sarombongan panurirang na manortori jana na rap marsurak-surak, na diuluhon ni si Samuel. Jadi gabe digohi Tondi Ni Debata ma angka suruan ni si Saul i, jana gabe dohot muse ma halahi manortori bope marsurak-surak.

1 SAMUEL 19:22

Jadi hara ni i, gabe si Saul noma kehe tu Rama. Disi lalu di sumur na godang na di Seku, disapai ia ma sanga na di dia si Samuel dohot si Daud, jana dipaboa halak ma tusia na di Nayot halahi.