1 SAMUEL 19:17 - BIBEL JAMITA NA DENGGAN

¹⁷ Disapai si Saul ma tu si Mikal, “Biasi paoto-otoonmu au songon on? Ditolong ho ma hape malua musungku!” Dialusi si Mikal ma, “Bunuonnia do au pandoknia anggo inda hutolong ia.”

1 SAMUEL 19:17 ပူးပေါင်းရင်းမြစ်များ

2 SAMUEL 17:20

Marroan ma angka naposo ni si Absalom tu bagas i jana disapai halahi ma tu anakboru sinangkin, “Di dia si Ahimaas dohot si Jonatan?” “On dope taripar halahi di batang aek i,” ning ia mangalusi. Dijalak-jalahi halahi ma doli-doli na dua i, tapi nada dapot halahi be, lalu mulak noma halahi tu Jerusalem.

2 SAMUEL 2:22

Didok si Abner sanoli nari tusia, “Ulang kojar au! Tarpaksa naron hubunu ho. Jadi bia dope baenonku annon manatap bohi ni angkangmu si Joab i?”

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

GALATIA 4:16

Adong he na gabe musumunu do au dietong hamu saonnari hara ni na mandok na tutu au tu hamu?

1 SAMUEL 19:14

Jadi di na ro suruan ni si Saul laho manangkup si Daud, didok si Mikal ma, “Marnyae do si Daud.”

1 SAMUEL 19:16

Jadi masuk ma na disuru i tu bagasan kamar i, hapengani patung do na payak di podoman i dohot bantal imbulu ni hambeng sabola uluna i.

1 SAMUEL 22:17

Lalu diparentahon ia ma songon on tu angka pangawal na jongjong di lambungnia i, “Tole, bunu hamu angka malim ni Tuhan on! Na dung saroha do halahi dohot si Daud. Diboto halahi do antong na lari ia, hapengani nada ra halahi paboahonsa tu au.” Tapi nada ra angka pangawal i palalu tangan laho mamunu angka malim ni Tuhan i.

1 SAMUEL 28:12

Dung diida anakboru i si Samuel, marsurak ma ia mandok tu si Saul, “Biasi dipaoto-oto tuan i au? Raja Saul do tuan on!”