1 SAMUEL 19:1 - BIBEL JAMITA NA DENGGAN

¹ Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,

1 SAMUEL 19:1 ပူးပေါင်းရင်းမြစ်များ

PAMUNGKAAN 37:18

Sian na dao dope ma diida halahi si Josep, jadi dompak so lalu si Josep tu halahi, ma jolo martahi halahi jana ma putus, bunuon ni halahi ma ia.

2 SAMUEL 4:8

Dung i dipasahat halahi ma ulu ni si Isboset i tu si Daud di Hebron mardongan hata, “On ma ulu ni si Isboset anak ni si Saul musu ni raja i na sai marpupu giot mamunu raja i. Sadari on ma dibaloskon Tuhan tu raja i pangalaho ni si Saul dohot pomparanna.”

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 18:25

jana disuru si Saul ma halahi mandok tu si Daud, songon on, “Hum saratus do sibur-sibur ni halak Pilistin dipangido roha ni raja i songon bolina, i ma na songon palalu hosom tu musu ni raja i.” (On ma sangkap ni si Saul laho pasahatkon si Daud tu halak Pilistin.)

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 18:8

Pabege-bege i, sun ma muruk ni si Saul. Gabe didok ia ma, “Na dung marpulu ribu ma hape dietong na mate dibaen si Daud, hape anggo au hum marribu-ribu sajo do. Ujungna jabatan raja i pe tusia noma!”

1 SAMUEL 18:9

Mamungka sian ari i, sai mangiburu ma ia tu si Daud.

1 SAMUEL 19:2

jadi gabe didok ia ma tu si Daud, “Sai giot bunuon ni damang do ho; jadi jago ma ho! Martabuni ma ho ancogot manyogot di inganan na buni jana disi ma ho tinggal.

1 SAMUEL 20:1

Dung i lari ma si Daud sian Nayot jana kehe ma ia mandapotkon si Jonatan lalu manyapai, “Aha dehe salangku? Hajahatan dia do na hubaen jana apala aha do dosangku tu amanta umbaen na giot bunuonna au?”

1 SAMUEL 20:19

mur ma haduan! Jadi, kehe ma ho tu partabunianmu na salpu i jana dibalik ni batu na martimbun na disi i ma ho.