1 SAMUEL 18:23 - BIBEL JAMITA NA DENGGAN

²³ Tapi di na palaluhon hata i halahi tu si Daud, dialusi ia ma, “Na mura-mura do lakna diambang hamu gabe babere ni raja? Halak na pogos do au boti na so masuk kira!”

1 SAMUEL 18:23 ပူးပေါင်းရင်းမြစ်များ

PAMUNGKAAN 29:20

Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

PAMUNGKAAN 34:12

Dok hamu ma sanga aha do silehen-lehen por ni rohamunu, jana tontuhon hamu ma sanga sadia bolina. Hulehen pe sanga aha na nipangidomunu, asal ma dipatola hamu hualap borumunu i.”

MASMUR 119:141

menek do au on boti bile, tapi anggo pangajaranMu nada huhalupahon.

PODA 14:20

Halak na pogos nada dihajopkon, salang hombar bagasna; hape anggo halak na kayo bahat do donganna.

PODA 29:5

Na paoto-oto donganna, mambaen jorat do i tu dirina.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 SAMUEL 18:18

Dialusi si Daud ma, “Ise ma he au on, jana aha ma he astuan ni damang di Israel, anso gabe babere ni raja i au?”

1 SAMUEL 18:22

Jadi disuruhon ia angka pagawenia anso di na buni didokkon halahi tu si Daud songon on, “Holong do antong roha ni raja i mida ho jana songon i muse do dohot sude pagawena, jadi on ma hatihana na tumbuk di ho laho mambuat boru ni raja i.”

1 SAMUEL 18:24

Dipaboa angka pagawe i ma alus ni si Daud i tu si Saul,

1 SAMUEL 9:21

Dialusi si Saul ma, “Sian Marga Benyamin do au, marga na ummenek di Israel jana hami na sabagas ma na so mararti di marga i. Jadi biasi didokkon amang tu au na songon i?”