1 SAMUEL 18:21 - BIBEL JAMITA NA DENGGAN

²¹ Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 18:21 ပူးပေါင်းရင်းမြစ်များ

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

HARURUAR 10:7

Dung i didokkon angka menteri i ma tu raja i, “Sadia honok nari sai arsahan ni halahon hita? Paloas ma halak Israel i kehe, anso maribadat halahi tu Tuhan Debata ni halahi. Nada he diida raja i sude tano Mesir madung sego?”

PODA 29:5

Na paoto-oto donganna, mambaen jorat do i tu dirina.

JEREMIA 5:26

O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

JEREMIA 9:8

Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

1 SAMUEL 18:22

Jadi disuruhon ia angka pagawenia anso di na buni didokkon halahi tu si Daud songon on, “Holong do antong roha ni raja i mida ho jana songon i muse do dohot sude pagawena, jadi on ma hatihana na tumbuk di ho laho mambuat boru ni raja i.”

1 SAMUEL 18:26

Dipalalu angka pagawe ni si Saul i ma tona i tu si Daud, jana jop ma roha ni si Daud na giot gabe babere ni raja i. Jadi hara ni i, painte so salpu hatiha na ditontuhon, kehe ma ia dohot parangannia tu Luat Pilistin. Dibunu ia ma dua ratus halak Pilistin, lalu dibuati halahi sibur-siburna i jana dipasahat halahi ma i tu si Saul sada pe nada adong hurangna. Dung i dipabagas si Saul ma si Mikal tu si Daud.