1 SAMUEL 18:17 - BIBEL JAMITA NA DENGGAN

¹⁷ Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

1 SAMUEL 18:17 ပူးပေါင်းရင်းမြစ်များ

2 SAMUEL 11:15

Songon on ma suratna i, “Baen ma si Uria di jolo situtu, di parporangan na boratna i, dung i mundur ma ho anso mate ia.”

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

PODA 26:24

Tabo do hata ni parlate tapi anggo rohana gok sipaoto-oto do hape.

PODA 26:25

Haru pe rama ia, ulang iba porsaya; angke gutgut do manggohi rohana.

PODA 26:26

Haru pe dibunihon ia na sogo rohania, idaon ni halak do sude hajahatanna.

BILANGAN 21:14

I ma harana umbaen na tarsurat di buku parporangan ni Tuhan, “..... Huta Waheb di Luat Sufa dohot napa-napana; Batang aek Arnon

BILANGAN 32:20

Dialusi si Musa ma, “Muda tutu do sian ias ni rohamunu na nidokmunu i, denggan ma dison hamu, hobas hian ma hamu laho marporang.

BILANGAN 32:27

Tapi anggo hami, hobas do sude kehe marporang di bagasan pandonganion ni Tuhan. Angkon tariparannami do Batang aek Jordan laho marporang songon na nidokmi tu hami.”

BILANGAN 32:29

“Muda dioloi halak Gad dohot halak Ruben do parenta ni Tuhan, dohot do halahi manaripari Batang aek Jordan laho marporang jana muda marhite pangurupion ni halahi gabe tarrampas luat i, jadi lehen hamu ma tano Gilead na gabe siteanon ni halahi.

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

1 SAMUEL 14:49

Angka anak ni si Saul, i ma si Jonatan, si Jiswi, dohot si Malkisua. Borunia siangkaan goarna si Merab, na paduahon si Mikal.

1 SAMUEL 17:25

“Ligi ma!” ninna halahi na sada tu na asing. “Bege ma pangalap-alapinia i! Madung dijanjihon si Saul rajanta i, sanga na ise pe na mamunu si Goliat, dapotan upa na godang. Tola muse ma buatonna boru ni raja i. Jana malua ma sian pajak amangna i.”

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 17:47

jana sudena halak na adong dison marnida na so porlu di Tuhan tombak sanga podang laho paluahon bangsoNa. I ma da na monang di parporangan on jana pasahatonNia ma hamu tu bagasan tangannami.”

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 18:25

jana disuru si Saul ma halahi mandok tu si Daud, songon on, “Hum saratus do sibur-sibur ni halak Pilistin dipangido roha ni raja i songon bolina, i ma na songon palalu hosom tu musu ni raja i.” (On ma sangkap ni si Saul laho pasahatkon si Daud tu halak Pilistin.)

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.

1 SAMUEL 30:26

Di na mulak si Daud tu Ziklag, ditongoskon ia ma deba sian barang na dirampas i tu angka pamimpin ni Juda na adong di angka kota inganan haimbar-imbarannia dohot parangannia, didok ia ma, “On ma silua di hamu sian barang na hona rampas na hami buat sian musu ni Tuhan.”