1 SAMUEL 18:16 - BIBEL JAMITA NA DENGGAN

¹⁶ Tapi holong do roha ni sandok Israel dohot Juda tu si Daud angke ia do pamimpin na bahat pambaenanna.

1 SAMUEL 18:16 ပူးပေါင်းရင်းမြစ်များ

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

1 RAJA-RAJA 3:7

Ale Tuhan Debatangku, madung diangkat Ho au gabe raja gonti ni damang, haru pe poso situtu dope au jana na so umboto sanga songon dia laho mamarenta.

ESTER 10:3

Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

LUKAS 19:48

Tapi nada dapot halahi sanga songon dia pambaenna, angke sude rayat tuSia do rohana jana por do rohana manangihon Ia.

LUKAS 20:19

Diboto angka Siboto Surat ni Jahudi dohot angka kapala ni malim i do na tu halahi tujuan ni Jesus di umpama i. Hara ni i giot tangkupon ni halahi ma Jesus, tapi mabiar halahi mida angka jolma i.

1 SAMUEL 18:13

Jadi gabe dipadao ia ma si Daud sian humaliang bagas godang i jana dibaen ma ia gabe pamimpin ni saribu halak tentara. Jadi songon i ma si Daud sai mamimpin parangannia di sandok parporangan.

1 SAMUEL 18:15

Di na niida ni si Saul sai na marpupu mardohar do si Daud, mur mabiar muse ma ia tu si Daud.

1 SAMUEL 18:5

Sai monang do si Daud marporang sanga na tu dia pe disuru si Saul ia kehe. Jadi hara ni i diangkat si Saul ma ia gabe pamimpin ni tentarana jana jop do roha ni sude parangan maradu angka hatoban ni si Saul mida si Daud.