1 SAMUEL 18:12 - BIBEL JAMITA NA DENGGAN

¹² Diida si Saul ma bahaso na nidonganan ni Tuhan do si Daud, hape anggo ia sandiri ditadingkon Tuhan do. Jadi gabe mabiar ma ia maradopkon si Daud.

1 SAMUEL 18:12 ပူးပေါင်းရင်းမြစ်များ

2 SAMUEL 5:10

Mur lolot, mur gogo do si Daud, angke diurupi Tuhan Debata Na Markuaso i do ia.

2 JUJUR TAON 17:3

Dipasupasu Tuhan do si Josafat dibaen diihutkon ia do indege ni amangnia, nada marsomba ia tu Baal,

MASMUR 51:11

Ulang ambungkon au sian adopanMu, jana ulang buat tondiMu na badia i sian au.

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 8:37

Dung i gomos ma dipangido sude halak na di Luat Gerasa i tu Jesus, anso morot Ia sian inganan i, hara ni santakna biar ni halahi sude. Dung i marparau ma Jesus laho mulak.

BAENON NI ANGKA RASUL 24:25

Tapi di na nipajojornia taringot tu haburjuon dohot hatomanon songon i dohot taringot tu Ari Parpudi, gabe mabiar ma si Peliks. Didok ia ma tu si Paulus, “Saonnari madung tola ho mulak. Hupio pe ho sanga andigan habolasan,” ning ia.

BAENON NI ANGKA RASUL 7:9

Tapi mangiburu do angka ompunta i tu si Josep, jabat digadis halahi ia gabe hatoban tu tano Mesir. Tapi Debata do dongannia,

HAKIM-HAKIM 1:19

Ditolong Tuhan do halak Juda gabe tarbuat halahi luat partoran, tapi nada tarbuat halahi angka halak na di rura, harana adong do angka kareta na sian bosi nampuna ni halahi.

HAKIM-HAKIM 16:20

ning ia ma, “Simson! Ma ro halak Pilistin!” Ngot ma si Simson jana diambang ia tarbaen malua dope ia songon di hatiha na salpu-salpu i. Nada diboto ia bahaso na dung ditadingkon Tuhan do ia.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 16:4

Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”

1 SAMUEL 18:15

Di na niida ni si Saul sai na marpupu mardohar do si Daud, mur mabiar muse ma ia tu si Daud.

1 SAMUEL 18:20

Tubu ma holong ni roha ni si Mikal boru ni si Saul na asing tu si Daud. Di na tarbege i tu si Saul, jop ma rohania.

1 SAMUEL 18:29

Jadi gabe mur mabiar ma ia tu si Daud jana goyak rohania paida-idasa salolot mangolu ia.

1 SAMUEL 20:13

Muda na giot agoonna do ho, hupaboa pe tu ho anso tarbaen ho antong paluahon dirimu. Sai dibunu Tuhan ma au muda nada hupatulus i. Sai didongani Tuhan ma ho laing songon pandonganina di amanta najolo!

1 SAMUEL 22:13

Disapai si Saul ma tusia, “Biasi satahi ho dohot si Daud laho mangalo au? Biasi dilehen ho balanjonia roti jana dilehen ho podang dohot dipangido ho panogu-noguon sian Debata? Jadi gabe dialo ia au saonnari jana na painte hatiha hadenggananna ma ia laho mamunu au?”

1 SAMUEL 28:15

Dung i mangkuling ma si Samuel tu si Saul, “Biasi gangguonmu au? Biasi dipiohon ho au mangulahi?” Dialusi si Saul ma, “Ma puntol pikiranku hara ni na diporangi ni halak Pilistin, hapengani na dung ditadingkon Debata au. Nada dialusi ia be au, sanga na markite-hite angka panurirang, sanga marhite sian nipi. Jadi hara ni i na mangelek-elek ma au tu ho amang, anso paboa sanga aha noma sibaenonku.”

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.