1 SAMUEL 18:10 - BIBEL JAMITA NA DENGGAN

¹⁰ Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

1 SAMUEL 18:10 ပူးပေါင်းရင်းမြစ်များ

1 RAJA-RAJA 18:29

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.

1 RAJA-RAJA 22:12

Satuju do sude panurirang na asing i jana didok halahi ma, “Diporangi ma Ramot, jana mardenggan do parporangan i. Lehenon ni Tuhan do hamonangan di raja i.”

JEREMIA 28:11

Didok ia ma di jolo ni sude rayat na adong disi, “Pandok ni Tuhan songon on ma pamonggolNia di auga na nibaen ni Raja Nebukadnesar di tangkuhuk ni sandok bangso; di bagasan dua taon on, baenon ni Tuhan ma songon i.” Dung i kehe muse ma au.

BAENON NI ANGKA RASUL 16:16

Di sada ari hatiha kehe hami tu inganan partangiangan, marsuo ma hami dohot sada hatoban dadaboru. Na hona setan do anak boru i, jana tarpaboa setanna i do sanga aha na giot masa. Hara ni na sai mangaligi nasib ni halak ia, gabe bahat ma parlaboan ni angka tuannia.

2 TESSALONIKA 2:11

Hara ni i ma umbaen na niparo ni Debata tu halahi sada hagogoon laho paliluhon halahi, lopus porsaya halahi di gabus i.

HAKIM-HAKIM 16:20

ning ia ma, “Simson! Ma ro halak Pilistin!” Ngot ma si Simson jana diambang ia tarbaen malua dope ia songon di hatiha na salpu-salpu i. Nada diboto ia bahaso na dung ditadingkon Tuhan do ia.

1 SAMUEL 16:23

Mamungka sian i, ganop susur tondi na jahat i tu si Saul, dibuat si Daud ma hasapinia jana dipiltik ia ma i. Gabe sumonang ma pangkilalaannia jana togar mangulahi, dibaen madung ditadingkon tondi na jahat i ia.

1 SAMUEL 18:9

Mamungka sian ari i, sai mangiburu ma ia tu si Daud.

1 SAMUEL 19:10

Giot dipantomkon si Saul ma si Daud tu dingding i dohot tombakna i. Tapi marhusor ma si Daud, gabe pantik ma tombak i tu dingding i. Marlojong ma si Daud palua dirina.

1 SAMUEL 19:7

Dung salpu i dipiohon si Jonatan ma si Daud, lalu dicaritohon ia ma sude pangkataion i. Dung i dioban ia ma si Daud tu si Saul, jana dioloi si Daud ma raja i songon na salpu i.

1 SAMUEL 19:9

Di sada ari juguk-juguk ma si Saul di bagasna maniop-niop tombak di tanganna jana si Daud hatiha marhasapi. Ompot ma susur tondi na jahat na nisuru ni Tuhan i tu si Saul.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.