1 SAMUEL 18:1 - BIBEL JAMITA NA DENGGAN

¹ Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 18:1 ပူးပေါင်းရင်းမြစ်များ

PAMUNGKAAN 44:30

“Jadi hara ni sudena i, tuannami,” ning si Juda tu si Josep, “Muda mulak hami tu amanta hami so dohot dakdanak i, anggo amangnami i, mate noma i. Tarihot tu dakdanak i noma hosa ni na tobang-tobang i; boti hara ni tobangnia, patibu mate noma ia baenon ni hamarsahan na hami baen on tusia.

2 SAMUEL 1:26

O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

1 JUJUR TAON 12:17

Didapotkon si Daud ma halahi jana didok ma, “Anggo na giot mandongani au do hamu ro tuson, denggan ma i dison hamu. Jop do rohanami laho manjagit hamu. Tapi muda na giot manghianat au do tu musu maksudmunu, haru pe nada hujungkati hamu, Debata na nisomba ni angka ompunta i ma na umbotosa, jana Ia ma na manguhumi hamu.”

MASMUR 86:11

Ajarkon ma tu au hagiotMu ale Tuhan, anso huihutkon i marhaburjuan. Ajari ma au marpangoloion tu Ho sian sandok rohangku.

PODA 18:24

Adong do dongan na so setia, adong muse do na rumosu sian kahangginiba.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

KOLOSSE 2:2

Sai margogo ma nian roha ni halahi, jana marsihaholongan ma halahi anso gabe solkot halahi mardomu. Muda tutu halahi mangarti gabe maruli pos ni roha situtu ma halahi. Jadi mur tangkas muse ma tandaon ni halahi rahasia ni Debata; i ma Kristus sandiri.

HAKIM-HAKIM 20:11

Songon i ma marsada halak Israel laho mamorangi Gibea.

1 SAMUEL 14:45

Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 19:1

Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,

1 SAMUEL 19:2

jadi gabe didok ia ma tu si Daud, “Sai giot bunuon ni damang do ho; jadi jago ma ho! Martabuni ma ho ancogot manyogot di inganan na buni jana disi ma ho tinggal.

1 SAMUEL 20:17

Jadi paduanolihon ma disuru si Jonatan marjanji si Daud anso manghaholongi ia, angke holong ni rohania tu si Daud dos do dohot tu dirinia sandiri.

1 SAMUEL 20:8

Na mangido tolong ma au tu ho, dibaen na dung mamudun janji do hita di adopan ni Tuhan. Tapi haru songon i pe muda na marsala do au antong, bunu ma au, tapi ulang ma pasahat au tu amanta.”

1 SAMUEL 22:8

I ma he dalanna umbaen na marpokat hamu mangalo au jana umpe adong sahalak na paboahon tu au bahaso na marpihak tu si Daud anakku sandiri? Sahalak pe nada adong sian hamu na gamang salaho tu diringku sanga na paboahon tu au na painte hatihana si Daud paranganku sandiri laho mamunu au, jana na dung dilehen si Jonatan anakki soso-soso tusia!”

1 SAMUEL 23:18

Dung i mamudun janji parale-aleon ma si Daud dohot si Jonatan di adopan ni Tuhan. Dung salpu i mulak ma si Jonatan tu bagasnia, tapi anggo si Daud laing tinggal do di Hores.