1 SAMUEL 17:58 - BIBEL JAMITA NA DENGGAN

⁵⁸ Dung i disapai si Saul ma tusia, “Anak ni ise dehe ho, doli-doli?” Dialusi si Daud ma, “Anak ni si Isai na sian Betlehem do au.”

1 SAMUEL 17:58 ပူးပေါင်းရင်းမြစ်များ

2 SAMUEL 2:32

Dung i dioban si Joab dohot parangannia i ma bangke ni si Asael i jana dikuburkon halahi ma i di kuburan ni horongnia di Betlehem. Mardalan ma halahi saborngin maningting, dung i lalu ma halahi di Hebron andostorangna i.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 20:6

Muda disapai amanta biasi nada disi au, dokkon ma, na dung marpaboa hian au tu ho na manigor mulak au tu Betlehem, hara ni na mambaen haul siganop taon disi hami na sabagas sudena.