1 SAMUEL 17:52 - BIBEL JAMITA NA DENGGAN

⁵² Anggo angka halak Israel dohot halak Juda marsurak-surak noma lalu mangkojar halak Pilistin mamungka sian Saaraim lalu tu Gat dohot tu pintu horbangan ni Ekron. Marserak ma sapanjang dalan i angka halak Pilistin na mabugang.

1 SAMUEL 17:52 ပူးပေါင်းရင်းမြစ်များ

2 SAMUEL 23:10

anggo si Eleasar laing torus do ia mangalo mangabisi halak Pilistin i lopus loja sajo ia. Jogal tanganna i gabe nada tarpalua ia podangnia i. Dilehen Tuhan do hamonangan godang tu Israel anggo di na sadari i. Mangulahi ma ro tentara ni Israel na mundur nangkin tu inganan ni si Eleasar i mangalo, jana dibukai halahi ma angka baju porang sian bangke na disi.

1 RAJA-RAJA 20:21

Masuk muse ma Raja Ahab tu parporangan na hebat i, disego-segohon ia ma angka kareta porang jana diparmatehon ia ma angka kudona i. Anggo di ari i mangarasoi hataluan godang ma halak Siria i.

JOSUA 15:11

Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga.

HAKIM-HAKIM 7:23

Gabe dipio muse do Marga Naftali, Aser, Manase Parhabincaran dohot Manase Parhasundutan. Dikojar halahi ma tentara ni Midian.

1 SAMUEL 17:53

Dung i mulak ma halak Israel sian na mangkojar halak Pilistin i, dirampasi halahi muse ma isi ni parbandaran ni halahi i.

1 SAMUEL 5:10

Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.