1 SAMUEL 17:51 - BIBEL JAMITA NA DENGGAN

⁵¹ Dilojong si Daud ma mandapotkon halak Pilistin i, jongjong ma ia di lambungna i; dibuat ia ma podang ni si Goliat, disintak ia sian sarungna i, dung i diabisi ia. Digotap ia ma ulu ni si Goliat i dohot podang. Dung diida halak Pilistin i bahaso na dung mate juaro ni halahi, marlojong be ma halahi.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

Sanoli dibunu ia do sada halak Mesir na ginjang na godang boti marsinjata tombak. Hum tungkot do adong di si Benaya laho mangadopi bayo i. Dirampas ia ma tombak na di tangan ni halak Mesir i lalu i ma dipake ia mamunu bayo i.

2 SAMUEL 4:7

Manigor masuk ma halahi tu bilik podoman ni si Isboset na sinok modom i, lalu disusuk halahi lopus mate. Dilobong halahi ma uluna i jana dioban halahi kehe. Saborngin maningting ma halahi mardalan mamolus Rura Jordan.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

1 SAMUEL 17:50

Songon i ma dibaen si Daud manaluhon halak Pilistin i marhite ambalang dohot batu; ditaluhon dohot dibunu ia do halak Pilistin i, so pola mardongan podang.

1 SAMUEL 21:10

Laing di na sadari i do si Daud kehe maporus sian si Saul, lopus lalu ia tu si Akhis raja ni Gat.

1 SAMUEL 21:9

Dung i dialusi si Ahimelek ma, “Husimpan do podang ni si Goliat na nibunumi di Rura Harangan; di pudi ni efod i do podang i, dibungkus dohot abit. Muda giot ho, buat ma, angke hum i do sinjata na adong dison.” Didok si Daud ma, “Nada adong be podang na jumeges di sandok luat on, lehen ma i tu au!”

1 SAMUEL 31:9

Diponggol ma ulu ni si Saul jana dirampas halahi ma angka sinjatana i. Dung i disuru halak Pilistin ma utusan na maroban ulu ni si Saul i dohot baju porangna i tu sude Luat Pilistin laho palalu barita na denggan tu rayat dohot tu debata ni halahi.