1 SAMUEL 17:49 - BIBEL JAMITA NA DENGGAN

⁴⁹ Dirogo si Daud ma cakunia mambuat sada batu lalu diambalang ia ma tu si Goliat. Hona ma batu i tu bohi ni si Goliat, jadi gabe tapor ma ulunia i, jana unggal ma ia manungkap bohina i tu tano.

1 SAMUEL 17:49 ပူးပေါင်းရင်းမြစ်များ

1 RAJA-RAJA 22:34

Tapi na so pola pamotoanna hian, adong ma sahalak tentara Siria i paluahon anak ni panania, na manombus baju porang ni si Ahab topet di parsambunganna i gabe margasa ma ia dibaensa, “Ma hona au!” ning si Ahab manggora na maroban karetania i. “Putar, oban ma au ruar sian parporangan on!”

2 RAJA-RAJA 9:24

Disintak si Jehu ma siornia sagogonia jana dipalua ia ma tu si Joram, hona tanggoruna tombus lalu tu pusu-pusuna i. Madabu ma si Joram, mate di bagasan karetania i.

1 SAMUEL 17:48

Dipungka si Goliat ma mardalan mangulahi mandonohi si Daud, dung i diompoti si Daud ma marlojong mandapotkon barisan ni halak Pilistin i laho mangalosa.

1 SAMUEL 17:50

Songon i ma dibaen si Daud manaluhon halak Pilistin i marhite ambalang dohot batu; ditaluhon dohot dibunu ia do halak Pilistin i, so pola mardongan podang.

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”