1 SAMUEL 17:46 - BIBEL JAMITA NA DENGGAN

⁴⁶ Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba

1 SAMUEL 17:46 ပူးပေါင်းရင်းမြစ်များ

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

2 SAMUEL 18:28

Manggora ma si Ahimaas manabi raja i, dung i manungkap ma ia lalu mandok, “Nipuji ma Tuhan Debata ni raja i na dung pasahatkon tu raja i angka halak na mambaen paraloan tu tuanku!”

2 SAMUEL 21:10

Dung i dipahembang si Rispa rading ni si Saul i ma abit goni disia di ginjang batu inganan ni angka bangke i mambustang. Nada morot si Rispa sian i sian na mamungka sabion lopus tu haroro ni udan di musim nonat. Nada diloas ia angka unggas manghahua bangke i muda arian sanga diganggu binatang muda di borngin ni ari.

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

1 RAJA-RAJA 8:60

Marhite na songon i gabe sude ma bangso na di tano on umboto, hum Tuhan i sajo do Debata – nada adong na asing.

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

2 RAJA-RAJA 5:15

Kehe ma ia rap dohot dongannia sauduran i mangulahi mandapotkon si Elisa jana didok ia ma, “Saonnari huboto ma, hum sada do Debata di na satano on sude, i ma Debata na nisomba ni halak Israel; hara ni i, sai jop ma roha ni tuan i manjagit silehen-lehenkon.”

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

MASMUR 46:10

Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 56:9

Ale angka binatang na di padang, ale angka binatang na di harangan, ro ma hamu mangan,

JEREMIA 19:7

SundatanKu ma di inganan on tahi ni halak Juda dohot Jerusalem. PadiaronKu ma halahi rumpak baenon ni podang ni musu, baenon ni tangan na giot mambuat hosa ni halahi. PadiaronKu ma bangke ni halahi dipapangani angka unggas na di langit dohot angka binatang na di tano on.

JEREMIA 34:20

PasahatonKu ma halahi tu musu na giot mamatehon halahi. Papanganan ni unggas ma bangke ni halahi dohot angka binatang panyoro.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

MATEUS 24:28

“Sanga di dia adong bangke, marrongom do disi angka unggas sipangan bangke.”

PANGARATAION 28:26

Muda mate ho, marroan ma angka unggas dohot binatang panyoro jana papangananna ma bangkemunu, jana nada adong sahalak pe na mangayak angka binatang i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 7:23

Pasahaton ni Tuhan ma angka musumunu tu hamu. BaenonNia halahi lenong anso gabe hona pusa halahi.

JOSUA 10:8

Jana didok Tuhan ma tu si Josua, “Ulang ho mabiar tu halahi. Madung Hulehen di ho hamonangan, hara ni i umpe adong sahalak na tarbaen tahan mangalo ho.”

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”