1 SAMUEL 17:45 - BIBEL JAMITA NA DENGGAN

⁴⁵ Tapi dialusi si Daud ma, “Ro ho mangalo au mangasahon podang, tombak dohot hujur, tapi ro do au mangalo ho mangasahon goar ni Tuhan Na Markuaso i, Debata ni tentara ni Israel na nipalayasmi.

1 SAMUEL 17:45 ပူးပေါင်းရင်းမြစ်များ

2 JUJUR TAON 14:10

Jadi ruar ma si Asa mangadopi si Zera jana mangatur barisanna be ma halahi na dua di Rura Zefata na di lambung ni Maresa.

2 JUJUR TAON 32:8

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.

MASMUR 124:8

Sian Tuhan do ro pangurupi di hita sian Sitompa langit dohot tano on.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 20:8

Tartuktuk ma halahi jana tinggang, tapi anggo hita jongjong do jana hot.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 44:6

Angke nada anak ni siornami na hami pangasahon, nada tarlehen podangnami hamonangan di hami.

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

2 KORINTUS 10:4

Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

1 SAMUEL 17:10

Saonnari, au mangalap-alapi tentara ni Israel; pili hamu ma sada halak maralo dohot au!”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 17:6

Patnia diholipi panutup ni pat na sian tumbaga jana di abarania i porsan tombak tumbaga.