1 SAMUEL 17:28 - BIBEL JAMITA NA DENGGAN

²⁸ Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”

1 SAMUEL 17:28 ပူးပေါင်းရင်းမြစ်များ

PAMUNGKAAN 37:11

Goyak ma roha ni angka angkangna i mida si Josep, tapi anggo amangna i laing marpikir-pikir do taringot tu nipi i.

PAMUNGKAAN 37:4

Jadi dung diida angka angkangnia i na humolongan roha ni amang ni halahi i mida si Josep ulang mida halahi, gabe goyak ma da roha ni halahi mida si Josep jabat nada ra be halahi burju manghobari dohot ia.

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

2 JUJUR TAON 11:18

Si Mahalat do boru na nibuat ni si Rehabeam; amang ni si Mahalat i ma si Jerimot anak ni si Daud, jana inangna i ma si Abihail boru ni si Eliab, pahompu ni si Isai.

MASMUR 35:11

Marsaksi do halak na jahat manudu au, salaho tu parkaro na so hupaboto-boto.

PODA 18:19

Kahanggi na dijehehon, ummaol do i dijonoki sian kota na togu, jana partongkaran i ma songon palang ni pintu horbangan ni kota na marbenteng.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

MATEUS 10:36

Jana alo ni halak, i ma donganna sabagas.

MATEUS 27:18

Didok gubernur i pe songon i hara ni na dung diboto ia do, na late do roha ni halahi umbaen na dipasahat halahi Jesus tusia.

MARKUS 3:21

Jadi tarbege ma tu sisolkotNia na masa i, gabe ro ma halahi laho mangalap Ia. Harana didok halahi, “Ma rintik Ia!”

JUDAS 1:10

Tapi anggo halahi, mardongan hata incak dialo halahi do sanga aha na so niastuan ni halahi. Tarsongon binatang na so marroha do halahi, na mangastui angka pangalaho hum hara ni bakona sajo. Hape angka na songon i do mambaen hamamago tu halahi.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

1 SAMUEL 17:29

Dialusi si Daud ma, “Aha he salangku? Na manyapai sajo do au!”