1 SAMUEL 17:22 - BIBEL JAMITA NA DENGGAN

²² Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.

1 SAMUEL 17:22 ပူးပေါင်းရင်းမြစ်များ

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

2 SAMUEL 11:7

Di na ro si Uria mangadop tu si Daud, disapai raja i ma tusia sanga na horas do si Joab dohot pasukan ni Israel, dohot sanga songon dia pardalan ni porang i.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

JESAYA 10:28

Madung dirampas tentara ni Asur kota Ajat! Madung disalpui halahi Migron! Di Mikmas do ditadingkon halahi bohal haporluanna!

HAKIM-HAKIM 18:15

Jadi kehe ma halahi tu bagas ni si Mika, tu bagas inganan ni doli-doli Marga Levi i jana dijalang halahi ma ia.

HAKIM-HAKIM 18:21

Dung i dipatorus halahi ma pardalanan ni halahi, di jolo ma angka dakdanak, pahan-pahanan dohot angka barang-barang ni halahi.

1 SAMUEL 17:21

Patongtang ma tentara ni Pilistin dohot tentara ni Israel jana hobas be laho marporang.

1 SAMUEL 25:5

disuruhon ia ma sampulu halak doli-doli kehe tu Karmel, mandapotkon si Nabal laho palaluhon tabe ni si Daud tusia.

1 SAMUEL 30:21

Dung i mulak ma si Daud tu sidua ratus halak na so tarbaen i be mangihutkon ia hara ni lojana, jana na nitadingkonnia di topi ni Batang aek Besor i. Dialo-alo halahi ma si Daud dohot parangannia i, jana didapotkon si Daud ma halahi laho manjalangisa.