1 SAMUEL 17:20 - BIBEL JAMITA NA DENGGAN

²⁰ Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.

1 SAMUEL 17:20 ပူးပေါင်းရင်းမြစ်များ

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.

JOSUA 3:1

Ancogotna i, sogot sajo dope ngot ma si Josua dohot sude rayat ni Israel, ditadingkon halahi ma parbandaran ni halahi di Sitim, jana kehe ma halahi tu Batang aek Jordan. Disi ma halahi marbandar lalu painte-intehon hatihana laho manyiborang.

1 SAMUEL 15:12

Ancogotna i, manyogot dope, kehe ma si Samuel anso marsuo nian dohot si Saul. Dipaboa ma tusia bahaso na dung kehe si Saul tu kota Karmel jana dipajongjong ia disi sada batu parningotan disia, sian i torus ia tu Gilgal.

1 SAMUEL 17:19

Di Rura Harangan do halahi rap dohot Raja Saul, jana topet marporang do sude halak Israel mangalo halak Pilistin.”

1 SAMUEL 17:21

Patongtang ma tentara ni Pilistin dohot tentara ni Israel jana hobas be laho marporang.

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”

1 SAMUEL 26:5

Manigor kehe ma si Daud tu parbandaran ni si Saul jana dapot ia ma bandar ni si Saul dohot si Abner anak ni si Ner i. Tar tu bagasan do bandar ni si Saul i, jana humaliangna i ma tentarania.

1 SAMUEL 26:7

Jadi manyilmuk ma si Daud dohot si Abisai borngin i tu bagasan bandar i jana diida halahi ma si Saul hatiha modom di tonga-tonga ni parbandaran i, pantik tombakna tu tano di lambung ni ulunia. Si Abner dohot paranganna marmodoman humaliang si Saul.