1 SAMUEL 17:18 - BIBEL JAMITA NA DENGGAN

¹⁸ Laing oban muse ma sampulu rantang dadi ni lombu on di pamimpin ni parangan i. Sapai ma sanga na bia do angkangmu disi, jana oban ma tanda di au paboa na dung marsuo ho dohot halahi dohot tanda na horas halahi.

1 SAMUEL 17:18 ပူးပေါင်းရင်းမြစ်များ

PAMUNGKAAN 37:13

didok si Jakob ma tu si Josep, “Na giot suruonku do ho tu Sikem, tu inganan ni angka angkangmi marmahani angka hambeng biri-birinta i.” “Denggan amang,” ning si Josep mangalusi.

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

2 SAMUEL 17:29

aer ni loba, miak, kapala ni susu dohot biri-biri sanga na piga. Diboto halahi do na malean si Daud dohot parangannia i, manguas boti loja hara ni na mardalan di halongonan i.

ESTER 2:11

Ganop ari mardalan-dalan do si Mordehai di alaman jolo ni inganan ni dadaboru i anso diboto ia pangalaho na masa tu si Ester jana sanga aha na giot tarjadi tusia.

JOB 10:10

Dipaloas Ho ma hape damang manjadihon au jana dipagodang Ho di bortian ni dainang au.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

BAENON NI ANGKA RASUL 15:36

Nada sadia honok dung i, didok si Paulus ma tu si Barnabas, “Beta ma tatopoti mangulahi angka dongan sahaporsayaan di sude kota na dung tatopoti i nabaruon, tajamitahon ma disi hata ni Tuhan i, anso laing taida sanga na tarbia do pangalaho ni halahi,” ning ia.

HAKIM-HAKIM 18:15

Jadi kehe ma halahi tu bagas ni si Mika, tu bagas inganan ni doli-doli Marga Levi i jana dijalang halahi ma ia.

1 SAMUEL 16:20

Dung i dibuat si Isai ma halode, dibobani ia ma i dohot sada anak ni hambeng, roti dohot kantongan kulit na gok anggur. Dilehen ia ma i sude tu si Daud anso dipasahat tu si Saul.

1 SAMUEL 17:19

Di Rura Harangan do halahi rap dohot Raja Saul, jana topet marporang do sude halak Israel mangalo halak Pilistin.”

1 SAMUEL 25:5

disuruhon ia ma sampulu halak doli-doli kehe tu Karmel, mandapotkon si Nabal laho palaluhon tabe ni si Daud tusia.

1 SAMUEL 30:21

Dung i mulak ma si Daud tu sidua ratus halak na so tarbaen i be mangihutkon ia hara ni lojana, jana na nitadingkonnia di topi ni Batang aek Besor i. Dialo-alo halahi ma si Daud dohot parangannia i, jana didapotkon si Daud ma halahi laho manjalangisa.