1 SAMUEL 17:13 - BIBEL JAMITA NA DENGGAN

¹³ Anak ni si Isai na tolu halak na dung magodangi i madung kehe marporang mangihutkon si Saul. Siangkaanna margoar si Eliab, na paduahon si Abinadab dohot na patoluhon si Sama.

1 SAMUEL 17:13 ပူးပေါင်းရင်းမြစ်များ

2 SAMUEL 13:3

Adong do dongan ni si Amnon na malo situtu marakal, goarna si Jonadab, anak ni si Simea angkang ni si Daud.

2 SAMUEL 13:32

Tapi ro ma si Jonadab anak ni si Simea angkang ni si Daud i mandok, “Ulang ganggu raja i, jana ulang diambang roha ni raja i na dung mate sude anak ni raja i. Hum si Amnon do na mate, harana anggo i madung torang do, i ma na nihagiotan ni si Absalom mamungka sian na nibaen ni si Amnon na so patut tu si Tamar ibotonia i.

2 SAMUEL 21:21

Mangalayasi ma ia tu halak Israel. Jadi hara ni i, dibunu si Jonatan anak ni si Simea angkang ni si Daud i ma ia.

1 JUJUR TAON 2:13

Pitu anak ni si Isai. On ma goar ni halahi sian siangkaan tu sianggian: Si Eliab, si Abinadab, si Simea,

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”