1 SAMUEL 17:12 - BIBEL JAMITA NA DENGGAN

¹² Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 17:12 ပူးပေါင်းရင်းမြစ်များ

PAMUNGKAAN 35:19

Dung marujung ngolu ni si Rahel, dikuburkon ma ia di lambung dalan laho tu Efrata, i ma na margoar Betlehem saonnari.

2 SAMUEL 23:1

Dipili jana dibaen Debata ni Israel do si Daud anak ni si Isai gabe raja dohot halak na godang. Laing dikarang ia do ende di halak Israel. On ma hata na parpudi didok si Daud.

MASMUR 132:6

Tarbege do di Betlehem taringot tu Poti Parjanjian, jadi gabe dapot hita do i di Padang Jearim.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MATEUS 1:6

Sian si Daud lopus tu na tarbuang halak Israel tu Babel dapot ma angka goar-goar na di toru on: Si Salomo (anak ni si Daud, sian dongan saripe ni si Uria hian),

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

RUT 1:2

Goar ni bayo i si Elimelek, goar ni dadaborunia si Naomi, jana goar ni anaknia na dua i si Mahlon dohot si Kilion do; halak Efrata do halahi sian Betlehem na di Juda. Dung lalu halahi di Luat Moab, tinggal ma halahi disi.

RUT 4:17

Digoari angka dadaboru na maringanan donok disi ma goar ni dakdanak i si Obed. Didokkoni halahi ma tu halak, “Ma adong do sada anak ni si Naomi halaklahi!” Si Obed on ma di pudian ni ari na gabe amang ni si Isai, i ma amang ni si Daud.

RUT 4:22

si Obed manubuhon si Isai, jana si Isai manubuhon si Daud.

1 SAMUEL 1:1

Adong ma sada bayo na margoar si Elkana, sian Marga Efraim. Maringanan di kota Rama na di pardolohan Efraim do ia. Si Elkana on i ma anak ni si Jeroham jana pahompu ni si Elihu. Masuk tu horong Tohu jana masuk tu Marga Zup.

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 17:11

Di na nibege ni si Saul dohot angka dongannia i pangalapina i, tarsonggot ma halahi jana gabe mabiar situtu.

1 SAMUEL 17:58

Dung i disapai si Saul ma tusia, “Anak ni ise dehe ho, doli-doli?” Dialusi si Daud ma, “Anak ni si Isai na sian Betlehem do au.”