1 SAMUEL 16:5 - BIBEL JAMITA NA DENGGAN

⁵ Dialusi si Samuel ma, “Olo, tutu do i. Na giot manghaulkon haul tu Tuhan do na huharohon. Jadi paias hamu ma dirimunu anso tarbaen hamu dohot di na marhaul i.” Si Isai pe dohot angka dakdanakna i laing dohot ma disuru ia paias dirina be, jana diontang ia tu parhaulan i.

1 SAMUEL 16:5 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

1 RAJA-RAJA 2:13

Di na sadari kehe ma si Adonia manopotkon si Batseba. Disapai si Batseba ma si Adonia, “Denggan do maksudmu umbaen na ro ho?” “Denggan,” ning si Adonia mangalusi.

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

JOEL 2:16

Palagut ma sandok bangso i, parade ma tu parpunguan godang halahi. Oban muse ma angka na tobang-tobang, angka dakdanak maradu na niompaan. Na baru tu bagasna pe sude na mardohotan. Suru halahi manadingkon bagasna.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

BILANGAN 11:8

Muda borngin madabu ma manna i rap dohot ombun i di parbandaran i. Manyogotna i marroan ma halahi marhaliang laho palagutkonsa, dung i digiling sanga diduda halahi ma i baen topung, dung i dimasak halahi ma gabe roti na hembang. Daina songon dai ni roti na nipanggang dohot miak zetun.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

JOSUA 3:5

Didok si Josua ma tu halak Israel, “Paias hamu ma dirimunu, angke ancogot baenon ni Tuhan ma hahomangan di tonga-tongamunu.”

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’

1 SAMUEL 20:26

Tapi nada ditaringoti si Saul taringot tusi anggo di na sadari i, harana dipikir ia, “Aropku na adong do sanga na aha na masa tusia gabe nada ias ia.”