1 SAMUEL 16:4 - BIBEL JAMITA NA DENGGAN

⁴ Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”

1 SAMUEL 16:4 ပူးပေါင်းရင်းမြစ်များ

PAMUNGKAAN 35:19

Dung marujung ngolu ni si Rahel, dikuburkon ma ia di lambung dalan laho tu Efrata, i ma na margoar Betlehem saonnari.

PAMUNGKAAN 48:7

Hara ni inangmu si Rahel do da hubaen songon i. Sun do arsak ni rohangku di parmonding ni inangmi di Kanaan, nada pola sadia dao sian Efrata, di pardalananku laho mulak sian Mesopotamia. Disi do ia dikuburkon, di topi ni dalan laho tu Efrata.” (Betlehem do diboto halak saonnari Efrata i.)

2 SAMUEL 6:9

Tapi laing mabiar do si Daud tu Tuhan jana didok ia ma, “Bia noma saonnari baenonku maroban Poti Parjanjian i?”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 RAJA-RAJA 2:13

Di na sadari kehe ma si Adonia manopotkon si Batseba. Disapai si Batseba ma si Adonia, “Denggan do maksudmu umbaen na ro ho?” “Denggan,” ning si Adonia mangalusi.

2 RAJA-RAJA 9:22

“Barita na denggan do luai ale,” ning si Joram manyapai si Jehu. “Bia ma pambaenna adong hadameon, anggo laing adong dope angka datu dohot panyombaan tu gana-ganaan na nipungka ni si Isebel inangmi didalankon dison,” ning si Jehu mangalusi.

HOSEA 11:10

Didok Tuhan ma, “Ihutkonon ni bangsongKu ma Au muda marngaur Au songon singa jana mambaen mabiar musu ni halahi. Manigor tibu do bangsongKi ro mandapotkon Au sian Hasundutan.

HOSEA 6:5

Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

LUKAS 2:4

Si Josep pe kehe ma sian Nasaret na di Galilea tu Betlehem na di Judea kota hasorangan ni Raja Daud. Harana pomparan ni si Daud do si Josep.

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 8:37

Dung i gomos ma dipangido sude halak na di Luat Gerasa i tu Jesus, anso morot Ia sian inganan i, hara ni santakna biar ni halahi sude. Dung i marparau ma Jesus laho mulak.

1 SAMUEL 21:1

Jadi kehe ma si Daud mandapotkon Malim Ahimelek di Nob. Tarsonggot ma si Ahimelek mandapotkon si Daud tu ruar jana disapai ia ma, “Biasi ro ho tuson sasada ho?”