1 SAMUEL 16:21 - BIBEL JAMITA NA DENGGAN

²¹ Songon i ma parro ni si Daud mandapotkon si Saul jana gabe pangoloina. Holong sajo do roha ni si Saul disia jana dibaen ma ia gabe sioban sinjata.

1 SAMUEL 16:21 ပူးပေါင်းရင်းမြစ်များ

1 RAJA-RAJA 10:8

Mogana i antong sudena angka dadaboru ni tuan i! Jana maruntung ma angka pagawe na tongtong di lambung ni tuan i, gabe tarbaen halahi dohot umbege angka poda habisuhon sian tuan i sandiri!

MASMUR 118:9

Gumonan do iba marpos ni roha tu Tuhan, umpado mangasahon na mora-mora.

MASMUR 146:3

Ulang pangasahon angka pangarajai, tu jolma na so bolas mangalehen haluaan.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PANGARATAION 1:38

Tapi patogu ma roha ni pangurupimu si Josua anak ni si Nun i. Harana ia noma na sahat tusi jana na giot mamimpin Israel mambuat tano i.’

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 16:22

Dung i manongos tona ma si Saul tu si Isai, “Jop do rohangku mida si Daud. Paloas ma ia totop dison mangoloi au.”

1 SAMUEL 17:15

jotjot do si Daud manadingkon si Saul jana mulak ia tu Betlehem laho marmahan biri-biri ni amangnia i.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 19:7

Dung salpu i dipiohon si Jonatan ma si Daud, lalu dicaritohon ia ma sude pangkataion i. Dung i dioban ia ma si Daud tu si Saul, jana dioloi si Daud ma raja i songon na salpu i.