1 SAMUEL 16:20 - BIBEL JAMITA NA DENGGAN

²⁰ Dung i dibuat si Isai ma halode, dibobani ia ma i dohot sada anak ni hambeng, roti dohot kantongan kulit na gok anggur. Dilehen ia ma i sude tu si Daud anso dipasahat tu si Saul.

1 SAMUEL 16:20 ပူးပေါင်းရင်းမြစ်များ

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PODA 18:16

Muda mangadop iba tu sahalak na sangap, obanon do silehen-lehen anso momo pasuo.

1 SAMUEL 10:27

Tapi adong do sanga na piga halak na jahat mandok, “Jolma na songon on ma he na marguna di hita?” Dipamenek halahi ma si Saul jana nada mangalehen silua halahi tusia. Tapi dipaula so diboto ia do i.

1 SAMUEL 10:4

Tabion ni halahi ma ho jana lehenonna ma di ho dua roti, na angkon sijagitonmu.

1 SAMUEL 16:19

Jadi disuru si Saul ma suruannia tu si Isai maroban tona songon on, “Suru ma anakmu si Daud na manjagoi angka biri-birimi mangadop tu au.”

1 SAMUEL 17:18

Laing oban muse ma sampulu rantang dadi ni lombu on di pamimpin ni parangan i. Sapai ma sanga na bia do angkangmu disi, jana oban ma tanda di au paboa na dung marsuo ho dohot halahi dohot tanda na horas halahi.

1 SAMUEL 25:18

Jadi manigor dibuat si Abigail ma dua ratus roti, dohot dua gunsi anggur, dilompa ma lima biri-biri, dibuat ma lima harung gandum na disaok, saratus kue kismis dohot dua ratus kue ara. Dipaboankon ma sudena i di ginjang ni halode.