1 SAMUEL 16:18 - BIBEL JAMITA NA DENGGAN

¹⁸ Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 16:18 ပူးပေါင်းရင်းမြစ်များ

PAMUNGKAAN 39:2

Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

2 SAMUEL 14:20

Tapi songon i pe dibaen ia, anso laing salose do pangalaho i dohot denggan. Na bisuk do antong raja i songon surusuruan ni Debata, tarbaen umboto sasude na masa.”

2 SAMUEL 17:10

Jadi salangkan angka jolma na umbarani dohot na songon jingar ni singa pe gabe mabiar noma. Angke sude do halak Israel umbotosa na parporang do amang ni raja i, jana angka paranganna pe angka parporang na barani do.

2 SAMUEL 17:8

Torang do diboto raja i, anggo si Daud dohot parangannia i angka parporang na barani do. Na songon gompul boru-boru na agoan anak do jingar ni halahi. Boti muse, si Daud sandiri pe parajurit na marpangalaman do i na so jungada modom rap dohot parangannia.

PODA 12:8

Halak na marroha, papuji-pujion, halak na bodo panyaor-nyaoron.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.

1 SAMUEL 16:12

Jadi disuru pio si Isai ma anakna i. Hapengani sada doli-doli na jogi do ia jana na togar, boti matana jeges. Dung i didok Tuhan ma tu si Samuel, “On ma ibana, miahi ma!”

1 SAMUEL 16:17

Dung i didok si Saul ma tu halahi parenta on, “Jalahi hamu ma sada halak na malo marmusik jana oban hamu ma tuson.”

1 SAMUEL 16:19

Jadi disuru si Saul ma suruannia tu si Isai maroban tona songon on, “Suru ma anakmu si Daud na manjagoi angka biri-birimi mangadop tu au.”

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.