1 SAMUEL 16:16 - BIBEL JAMITA NA DENGGAN

¹⁶ Muda tumbuk do di roha ni raja i, rade do hami manjalahi sada halak na malo marhasapi. Muda hatiha ro tondi na jahat i mamparkanciti raja i, malo ma halakna i mamiltik hasapina i, dung i gabe togar ma hilalaon ni raja i mangulahi.”

1 SAMUEL 16:16 ပူးပေါင်းရင်းမြစ်များ

1 RAJA-RAJA 10:8

Mogana i antong sudena angka dadaboru ni tuan i! Jana maruntung ma angka pagawe na tongtong di lambung ni tuan i, gabe tarbaen halahi dohot umbege angka poda habisuhon sian tuan i sandiri!

2 RAJA-RAJA 3:15

Saonnari oban ma tuson sahalak parhasapi.” Jadi hatiha marhasapi bayo i, digohi Tondi Ni Tuhan ma si Elisa

1 SAMUEL 10:5

Dung salpu i angkon kehe do ho tu dolok ni Debata na di Gibea, inganan parbandaran ni halak Pilistin. Di pintu masuk laho tu kota i, marsuo ma ho dohot panurirang sarombongan na manuat sian langgatan na di ginjang dolok i. Manortori do halahi jana marsurak-surak, mamalu gambus, rapano, suling dohot hasapi.

1 SAMUEL 16:14

Dung i ditadingkon Tondi Ni Tuhan ma si Saul, jana diparkanciti tondi na jahat na nisuru ni Tuhan ma ia.

1 SAMUEL 16:15

Jadi gabe didok angka hatobannia ma tusia, “Hami boto do, tondi na jahat do na nisuru ni Tuhan mamparkanciti raja i.

1 SAMUEL 16:17

Dung i didok si Saul ma tu halahi parenta on, “Jalahi hamu ma sada halak na malo marmusik jana oban hamu ma tuson.”

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

1 SAMUEL 19:9

Di sada ari juguk-juguk ma si Saul di bagasna maniop-niop tombak di tanganna jana si Daud hatiha marhasapi. Ompot ma susur tondi na jahat na nisuru ni Tuhan i tu si Saul.