1 SAMUEL 16:13 - BIBEL JAMITA NA DENGGAN

¹³ Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Didok si Natan ma tu si Daud, “Ho ma da i! Jana on ma na nidok ni Debata ni Israel, ‘Madung Hubaen ho gabe raja di Israel jana Hupalua ho sian si Saul.

2 SAMUEL 2:4

Dung i marroan ma halak Juda tu Hebron, jana dimiahi halahi ma si Daud gabe raja ni Juda. Dung dibege si Daud na dung ditanom halak Jabes na di Gilead bangke ni si Saul,

2 SAMUEL 23:1

Dipili jana dibaen Debata ni Israel do si Daud anak ni si Isai gabe raja dohot halak na godang. Laing dikarang ia do ende di halak Israel. On ma hata na parpudi didok si Daud.

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

2 RAJA-RAJA 9:6

Dung i kehe ma halahi na dua masuk tu bagasan bagas, jana diusehon panurirang na poso i ma miak zetun i tu ulu ni si Jehu lalu didok ia ma, “Pandok ni Tuhan Debata ni halak Israel, ‘Huangkat ma ho gabe raja di ginjang ni bangsongKu Israel.

1 JUJUR TAON 11:3

Dibaen si Daud ma parjanjian dohot halahi di Hebron. Jadi diangkat halahi ma ia gabe raja ni Israel laing songon na nijanjihon ni Tuhan marhite sian si Samuel.

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

MASMUR 89:21

Sai tongtong do ia ondihonon ni hagogoonKu sai pargogoan ni kuasongKu do ia.

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

BILANGAN 27:18

Didok Tuhan ma tu si Musa, “Pio ma si Josua, anak ni si Nun. Halak na pistar do i. Ampehon ma tanganmu tu ginjang ulunia.

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

IBRANI 11:32

Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.

HAKIM-HAKIM 11:29

Dung i dirajai Tondi Ni Tuhan ma si Jefta. Jadi kehe ma si Jefta manopot Luat Gilead dohot Manase, dung i mulak ma ia tu Mispa na di Gilead. Sian i dipatorus ia ma pardalanannia tu luat ni bangso Amon.

HAKIM-HAKIM 13:25

jana taran di parbandaran ni Marga Dan na di antara ni Zora dohot Estaol ia, mamungka ma dilehen Tondi Ni Tuhan hagogoan tusia.

HAKIM-HAKIM 14:6

Tompu ma gabe margogo si Simson dibaen kuaso ni Tuhan, jadi disibak-sibak ia ma singa i dohot tangannia, songon dia ma hambeng dibaen ia singa i. Anggo tu amangnia dohot inangnia nada dicaritohon ia salaho tusi.

HAKIM-HAKIM 3:10

Digohi Tondi Ni Tuhan ma si Otniel, jadi gabe pamimpin ni halak Israel ma ia. Kehe ma ia marporang, gabe dilehen Tuhan ma hamonangan tusia maralohon raja ni Mesopotamia i.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 10:6

Di hatiha i muse ma ho rajaan ni Tondi Ni Tuhan jana ihutkononmu ma tortor dohot surak ni halahi i, jana dilehen ma di ho roha na imbaru lopus gabe asing.

1 SAMUEL 11:6

Umbege i manigor digohi Tondi Ni Debata ma si Saul, jana tarrimas situtu ma ia.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 18:12

Diida si Saul ma bahaso na nidonganan ni Tuhan do si Daud, hape anggo ia sandiri ditadingkon Tuhan do. Jadi gabe mabiar ma ia maradopkon si Daud.

1 SAMUEL 2:35

Dung i todoonKu ma malim na burju tu Au dohot na patuluskon sanga aha na Huparentahon tusia. Sai torus ma markarejo pomparannia songon malim di adopan ni angka raja na Hutodo.