1 SAMUEL 16:12 - BIBEL JAMITA NA DENGGAN

¹² Jadi disuru pio si Isai ma anakna i. Hapengani sada doli-doli na jogi do ia jana na togar, boti matana jeges. Dung i didok Tuhan ma tu si Samuel, “On ma ibana, miahi ma!”

1 SAMUEL 16:12 ပူးပေါင်းရင်းမြစ်များ

PAMUNGKAAN 39:6

Sandok sinadongannia, dipasahat ia ma tu si Josep mangatursa. Jana nada dipaboto-boto si Potifar be urusan ni bagasnia i, asing sian panganon na nipangannia i sandiri. Na ginjang na godang jana na tongam do anggo si Josep.

2 SAMUEL 23:1

Dipili jana dibaen Debata ni Israel do si Daud anak ni si Isai gabe raja dohot halak na godang. Laing dikarang ia do ende di halak Israel. On ma hata na parpudi didok si Daud.

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 RAJA-RAJA 1:34

Disi ma diojakkon si Zadok dohot si Natan ia gabe raja ni Israel. Dung i palu hamu ma sarune lalu marsurak, ‘Horas ma di Raja Salomo!’

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 78:70

Dipili Ia naposoNia si Daud dibuatkon Ia sian padang na marruput.

HARURUAR 2:2

Dung i ditubuhon dadaboru i ma sada anak halaklahi. Dung diida ia jeges ni rupa ni dakdanak i, dibunihon ia ma dakdanak i tolu bulan honokna.

ENDE NA GODANG 5:10

Tongam jana gogo do hasianki, sada sian sampulu ribu do i.

ANDUNG 4:7

Najolo polin do angka pamimpinnami songon hapas na mamontar ias do i. Tohong jana margogo halahi, horas torkis jana jogi-jogi.

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

BAENON NI ANGKA RASUL 7:20

Di hatiha i ma sorang si Musa; tama do ia di adopan ni Debata. Tolu bulan lolotna sai di bagas ni amangna dope ia dipature-ture,

IBRANI 11:23

Hara ni na porsaya, gabe ditabunihon natorasna do si Musa tolu bulan honokna dung sorang ia. Diida halahi na denggan do dakdanak i jana nada mabiar halahi mangalo parenta ni raja.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 17:42

Tapi disi diida ia si Daud jana dipamanat ia, martata ma si Goliat mangincahi hara ni posona dohot jogina si Daud.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 9:17

Dung diida si Samuel si Saul, didok Tuhan ma tusia, “On ma ibana halak na Hudokkon i tu ho. Ia ma na giot mamarenta bangsongKu.”